ខគម្ពីរពេញនិយមពី Romains 12

ចែក​រំលែក

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Ana aTétee nanôduka mbe: Itsani anyene na gôndé Nzambé. Mbe yôtô yanyô dibaké ga digondoku didôngani dideekedu na gôndé Nzambé asakina yangô. Gô éne émayanzéa Nzambé wa n’anyô gô ngeba yedi, tônikédé éneegeda angô na yôtôye yasô n’anyô.

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

Nômbiasinga mbe nôtsedu n’ebéva, ivô buedi mbe anye nôtseda ébéva gô ngudi yamane mamisôba mayanzanye.

Bakani n’etondo gôndé anyene gandé ana aTétee ahndé n’enyônganéô évôni. Gobedanani anyene n’anyene na gényônga.

Etondo éndé n’anyô ébaké éagébé na buembe. Kékôani ébévee éetso. Nômbiaagana na mane mamisôba.

Gô gésa sanyô, ôkô mbe nôngoongôa, digaani n’oma muetso na gétabé.

Wee yami, nômbianikéa événda ébégô édagani. Ivô nôtsika ébégôe g’ôpisa aNzambé amuene angayanza ganyôngéô angô. Matendeo MaNzambé matônigôa mbe: MeNzambé, te ône anganikéa événda ébégô édagani. Te me Kumu éanyô navéndéa anye.

Yanzani na ngudi gébé na gésima sadakadaka. Yanzéani Kumu Nzambé na môtéma amôkasa.

Me Paul nanôongo ndongi yedi gô ngudi yamôgôô ômeetsô me na Nzambé gô ngeba yedi. Nômbiaba na nyemo gôéba n’etasa mbe: Me te môma môvôni. Môma na môma abangôé mbe ôkanee wedi te ngudiye dimeetsô angô na Nzambé gôémôétsa môtémee wetso gémôtsumé paga.

Nômbiavénda môma ébévani gô éne ééndi angô anye ébévani. Indakani te mane mamisôba matévo gômbe oma angeena mônongoe wanyô.

Bakani n’evamba anyene n’anyene. Nômbiaba na nyemo gôéabatéda anyene ivô bandani buéyé na mayanza moma abobo. Nômbianyemôga gô éodoe éanyene.

Matendeo MaNzambé moomba mbe: Okô môdudeone woo ookô nzaa, itsa angô môyakô. Okô ookô sôé, itsa angô meba. Na vane angooba na tsoyi gô mane mabévani meendi angô éwe.

Dukani Nzambé mbe eetsa mate gôndé ane akuana anye. Nômbiaduka Nzambé môkokou, nôduka te mate matévo. Tsôkéakani n’ane atsôkéani. Déakani n’ane adéani.

Wedéani asi mbumu éaNzambé gô panda yaô. Keneani agenda na géneega.

G’ôtô amôma gôndéké éeme éyekani. Géeme na géeme na sedi gébana. Endé te nane. Wa n’anyô tôndé ôtô ôvo na Christ. Tôndéké éeme éyekani tômagésangana gôéduga ôtô ôvo. Na tôndé gôéyanza ngudi dipo.