ខគម្ពីរពេញនិយមពី MATHE 24

ចែក​រំលែក

Akhyeing" ashoeb da" moozoo" myo: loo yoomo byu yi da" jheddab nheigloem: gi shoem: lo" byug boem wa. Nghoidloug we' lo" thang bidnyid ju" sho' zeung: kham: nyid su: gi khyoid yu zi shau" wa nghoid.

He: mungdain: da" ngei bu: lu dang: ri byu bain sho' shid moo sagsi: bui" wa shid re" Mougmyid gyab' goin" kho" kyo" loo" wa zi nghoid. Hau: thang: ri mougmyid thang da" ayo, ju" loo wa zi nghoid.

Nanu" gi vi: mo jang" mo, Gyipui" lu dang: ri shau" gyo: lo boem wa. Nghoidloug we' agyug adain goo. He: da" khyoo: gi bui" nyang bue" loo wa zi nghoid. Nghoidloug we' mougmyid thang lo" da" ayo, gi anghoid shi.

Damoug: yo' damoug:- mungdain: daloem: yo" daloem:- gyipui" bue" lo boem wa joyoo khyi, khang" moo" moo phang" khoug myid leig leig loo wa. He: da" khyoo: dangain" gi Zoo: khu: wa su:- bidnyid ju" wigi no shid" re" ziyo' dadu nyid.

Mougkhung yo" myidjang: led: loo" nghoid loug we' nga" Mungdang: gi aled: loo" wa.

Byu myoo" sho' mo, ‹Ngoo gi Meshia nghoid› ga: nga" myeing voin lho: khyoo shu" vhang: lo boem wa.

«Hau: thang: rigi nanu" ri myheig: lho: yooboo foin: dam kaid wigi said pyam wa shid re" byu yi da" lo, moo ab pyam boem wa. Nga" myeing yoomo byu dangain" mo, gi nanu" ri ngheing" loo goo" wa. Hau: uri byu myoo" sho' mo gi nyangnu" loem" jeung" khyoo: mo thoem: tho: leung lo" lho: dayoug vhuloem ri dayug ung" zoo: go" wigi anoug angei go" da" zi bue" loo wa nghoid. Hau: tho' moo gootu: mhau da" lapi: we' myoo" sho' thu' lo wigi byu myoo" sho' ri khyoo: shu" vhang: lo" boem wa.

Yesu phoug gi «Nanu" ri hang" we' ayo" jhu, phyo' loo" baja" zid" nyid ge'.

Byu da" nya: zoo: gi nanu" amyid to" da" ayo, akhyeing: moo ju" ri" wa nghoid yoomo nanu" khanham we' jen" jen" koid nyid ge'.

Houg: su" nghoid yoomo zed" lhid zoore" lang" nyid ge'. Nanu" da" Aseing: gi kha: yo, khakhyeing: moo gyoo" loo wa zi nanu" asi.

«Houg: su" nghoid loug we' He: da" moozoo" bue" loo wa da" ayo, bidnyid rigi nga" phoo mo lid' lho: hang" we' asi- mougkhung moo nyid da" lagyoo: yi we' asi- nya: zoo: we asi.

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

Noa da" bidnyid moo bue" lo ziyo' dakhyoo ti"- Byu da" nya: zoo: bidnyid moo we bue" loo wa. Hau: da" bidnyid moo ti: gyid ashi shi" uri Noa gyid sang phoo yhoem: moo vang lo" da" bidnyid ju" sho'- Byu yi gi zo: lho: shug lho: myi: yu loxo' lho: koid: nyid boem ago". Nyangnu" gi ti gyid shi, jang" moo myu: shid: doem lo" da" bidnyid ju" sho' asi aboin: loo: nyid boem ago". Byu da" nya: zoo: doem gyoo" loo wa da" bidnyid moo we' houg: yo' dakhyoo" ti"- bue" loo wa zi nghoid.