ខគម្ពីរពេញនិយមពី Romanos 3

ចែក​រំលែក

tumen tuláacalo'ob dzo'oc u kebantalo'ob yéetel náach yanilo'ob ti' u nojbe'enil Jajal Dios. Ba'ale' Jajal Dios tu yo'olal u siibal utzile' cu dzáico'on ma'alob tu táan x ma' bo'olil, tumen dzo'oc u toquico'on tu yo'olal Cristo Jesús.

Jajal Diose' cu dzáico'on ma'alob tu táane' tu yo'olal u ocsaj óolil Jesucristo; lela' cu beetic yéetel tuláacal le máaxo'ob cu ocsaj óolo'obo', tumen mina'an u jela'anil máac tu táan

Cristoe', tu yo'olal u quíimile', j beeta'ab u nu'uculil sa'atsaj tumen Jajal Dios. Tumen dzo'oc u tu'ubsic le úuchben kebano'obo' tu yo'olal u chowac óolal. J úuch xane' u ti'al u ye'esic u tojil Jajal Dios ti' le kiino'oba', u káat u ya'ale', láili' toj Jajal Diose', bey xan leti' máax dzáic ma'alob tu táane' le máaxo'ob cu yocsaj óoltico'ob Jesuso'.

tumen mix máac cun dzaabil ma'alob tu táan Jajal Dios tu yo'olal tu beetilac ba'ax tu ya'alaj le a'almaj t'aano', tumen le a'almaj t'aano' cu meyaj chéen u ti'al u beetic c kaj óoltique' to'one' j kebano'on.

Le Quili'ich Dzíibo' cu ya'alic: Mina'an mix máac utz, mix chéen jun túul; mina'an mix máac u káat na'ataj, mina'an mix máac caxantic Jajal Dios. tuláacal saatal u máano'ob, tuláacal dzo'oc u bino'ob ti' kastalil. Mina'an mix máac ca u beet le utzo', mina'an mix jun túuli'.

Dzo'oc c e'esic túune' Jajal Diose' cu dzáic ma'alob tu táane' le máax yaan ocsaj óolal ti'o', ma' tu yilic wa u mentmaj wa ma' u mentmaj le ba'ax cu ya'alic le a'almaj t'aano'.

¡Tu jaajile' ma' beyi'! Jajal Diose' cu beetic tuláacal ba'al jaaj, quex tuláacal máac cu tuus; le Quili'ich Dzíibo' cu ya'alic: Yaan a ka'amal je'el bix jun túul máac toj ti' ba'ax ca wa'alique', yéetel yaan a jóokol tu beel le quéen p'is óolta'aquech.