ខគម្ពីរពេញនិយមពី Marcos 14

ចែក​រំលែក

Hambae ni Jesus, “Ama, owa it imposible kimo. Kon mahimo hay indi mo lang ako pagpaagihon sa grabi nga kasakit nga akon nga aeatubadngon. Pero bukon it akon nga pagbuot ro dapat matuman kundi ro imo.”

Magbantay kamo ag magpangamuyo nga indi kamo matentar. Naila kunta kamo maghimo it tama pero ro inyong kinaiya bilang tawo hay indi kasarang nga maghimo karon.”

Matuod rang ginahambae kinyo nga bisan siin iwali sa bilog nga kalibutan ro Mayad nga Balita hay igasugid man ro gin-obra ku bayi ngara agod indi imaw malipatan.”

Naghambae imaw sa tatlo, “Matsa mamatay gid ako sa grabi nga kasubo. Iya eang kamo rikara ag ayaw kamo it tueog.”

Samtang nagakaon sanda, nagbuoe it tinapay si Jesus, ginpasaeamatan ra nana sa Dyos, ginpihak-pihak ag gintao sa anang mga sumueunod. Naghambae imaw, “Raya ro akon nga eawas. Kan-a ninyo.”

Nagbuoe man dayon imaw it kopa nga may bino ag ginpasaeamatan man ra nana sa Dyos. Gintao nana ra sa anang mga sumueunod ag tanan sanda hay nag-inom kara. Naghambae imaw, “Raya ro akon nga dugo nga gapalig-on ku bag-o nga kasugtanan nga gintao it Dyos sa tawo. Igauea ra por dahil sa abo nga mga tawo.”

Samtang nagapanaw sanda hay naghambae kanda si Jesus, “Makaron nga gabii, kamo tanan hay magatalikod kakon ag aywanan ninyo ako. Ruyon ro katumanan ku ginsueat sa Sagrado nga Kasueatan nga, ‘Patyon ko ro manogbantay it mga karnero ag magakaealhit ro mga karnero.’

Bangon eon kamo. Mapanaw eon kita. Hayra eon ro nagatraidor kakon.”

Ginsabat imaw ni Jesus, “Matuod rang ginahambae kimo, Pedro, nga sa rayang gabii, bago magpamaeo ro manok it ikaywa hay tatlong beses mo man nga igapanghiwaea nga kilaea mo ako.”