ខគម្ពីរពេញនិយមពី Marcos 13

ចែក​រំលែក

Pagakaugtan kamo it tanan nga mga tawo tungod mga sumueunod nakon kamo. Pero ro nagapadayon nga nagatuo kakon hasta sa kamatayon hay maeuwas.”

Mag-andam gid kamo ag magpahaom ay owa kamo kasayod kon hin-uno ako mabalik.

Kon dakpon kamo ag imbistigaron, ayaw kamo it palitik kon ano ro inyong ihambae dahil ro Espirito Santo ro magatao kinyo it inyong ihambae sa oras ngaron. Ruyon ro inyong ihambae.

Maduea eang ro eangit ag kalibutan pero ro akon tanan nga ginpangturo hay owa gid it pagkaduea bisan hasta hin-uno.”

Naghambae pa gid si Jesus, “Owa it nakasayod kon anong adlawa o anong orasa ako mabalik iya sa kalibutan. Bisan ro mga anghel sa eangit o ako nga Unga hay owa karon kasayod. Ro Dyos Ama gid lang.

Ayaw kamo it pakueba kon makabati kamo it linupok it gira nga maeapit kinyo ag ku balita nga may mga gira sa ibang mga lugar ay dapat gid-a nga matabo ron pero bukon pa it ruyon ro katapusan it kalibutan.

Ngani mangin alisto gid kamo ay owa ninyo hasayri kon hin-uno mabalik ro amo. Basi umabot imaw sa gabii, o sa tungang gabii, o sa aga-aga o sa pagbutlak it adlaw. Basi umabot man eagi imaw ag hiabutan nana kamo nga nagakatueog pareho it isaeang ka gwardya nga nagakatueog sa oras it trabaho. Ngani ginahambae ko gid kinyo ag pati man sa tanan nga mangin alisto gid kamo.”

Magagira ro mga nasyon ag imaw man ro mga ginharian. Magalinog sa iba-ibang mga lugar ag may grabi man nga tiggueutom. Pero bukon pa it ruyon ro katapusan it kalibutan. Kon ikompara ra tanan sa pag-unga hay umpisa pa eang ra it pagpasaeapo.

Bago mag-abot ro katapusan it kalibutan hay dapat anay nga ikawali ro Mayad nga Balita sa mga tawo sa tanan nga mga nasyon sa bilog nga kalibutan.

ay abo ro magaabot sa ulihi nga magagamit ku akon nga ngaean. Akuon nanda nga sanda gid ro Maneueuwas nga ginpromisa it Dyos ag abo gid ro andang pataeangon.

“Mag-andam gid kamo. Pagadakpon kamo ag ipaatubang sa andang mga korte. Pagabakueon kamo sa mga sinagoga. Pagaimbistigahon kamo it mga gobernador ag hari tungod mga sumueunod nakon kamo ag ruyon ro inyong kahigayunan nga ikawali kanda ro Mayad nga Balita parti kakon.

Ginapauna ko eagi ra kinyo dahil may mga magapakuno-kuno nga sanda ro Maneueuwas nga ginpromisa it Dyos. Ro iba ma't-a kanda hay magapakuno-kuno nga mga propeta it Dyos. Magahimo sanda it mga milagro ag mga makangawa-ngawa nga mga bagay bilang pamatuod kon sin-o kuno sanda agod hipataeang ro mga tawo ag kon mahimo, bisan pa ro mga pinili it Dyos nga anang mga katawhan.

Naghambae pa gid si Jesus, “Pagkatapos ku mga inadlaw ngato nga malisod, magadueom ro adlaw ag indi man maghayag ro buean. Ro tanan nga una sa kaeangitan hay pagauyugon ag magakaeahueog ro mga bituon.