धेनी धाम्पे थुक्ङीगी फीलीपला सुवालाक, “स्यीङता खोरलो भोलोक्तु सोङ धेनी होदेमुला सोङ।” धेनी फीलीप भाङ तारी, होदे भोलोक्तु सोवालाक। धेनी होदे मीगी यस्यायागी धेप ढोक्कीनगो खी़ ॱहाघोरपालाक। “ख्यी़ होदे ढोक्कीनगी दो़न्दाकगो ॱहाघोरी?” ॱनेरी फीलीपगी खोला ढीवालाक।
होदे मीगी लेन ग्याप्पालाक, “सी़ च्यीया ङाला दी दो़न्दाकगो ॱमाटो थुक्पे, ङा घाङ झ्येरी ॱहाघोरये?” धेनी खी़ फीलीपला स्यीङता खोरलो खाला, मुला श्युक्रो झ्यी ॱनेरी श्यी़वालाक।