ខគម្ពីរពេញនិយមពី ມາຣະໂກ 6

ចែក​រំលែក

ເນື່ອງ​ຈາກ​ມີ​ປະຊາຊົນ​ຈໍານວນ​ຫລວງຫລາຍ​ທຽວ​ໄປ​ມາ​ຈົນ​ພວກເພິ່ນ​ບໍ່​ມີ​ເວລາ​ກິນເຂົ້າ, ພຣະອົງ​ຈຶ່ງ​ກ່າວ​ກັບ​ພວກສາວົກ​ວ່າ, “ພວກເຈົ້າ​ທັງຫລາຍ​ຈົ່ງ​ຕາມ​ເຮົາ​ມາ ອອກໄປ​ຫາ​ບ່ອນ​ທີ່​ມິດງຽບ ແລະ ພັກຜ່ອນ​ຈັກ​ຄາວ​ໜຶ່ງ”.

ແລ້ວ​ພຣະເຢຊູເຈົ້າ​ກໍ​ກ່າວ​ແກ່​ພວກເຂົາ​ວ່າ, “ຜູ້ທຳນວາຍ​ບໍ່​ໄດ້​ຂາດ​ຄວາມນັບຖື​ໃນ​ທຸກ​ບ່ອນ ເວັ້ນໄວ້​ແຕ່​ໃນ​ບ້ານເມືອງ, ບັນດາ​ຍາດພີ່ນ້ອງ ແລະ ໃນ​ຄອບຄົວ​ຂອງ​ຕົນ​ເອງ”.

ເມື່ອ​ພຣະເຢຊູເຈົ້າ​ອອກ​ຈາກ​ເຮືອ​ມາ​ກໍ​ເຫັນ​ປະຊາຊົນ​ຈໍານວນ​ຫລວງຫລາຍ ພຣະອົງ​ກໍ​ມີ​ໃຈ​ສົງສານ​ພວກເຂົາ, ເພາະ​ພວກເຂົາ​ເປັນ​ເໝືອນ​ແກະ​ທີ່​ບໍ່​ມີ​ຜູ້ລ້ຽງ. ດັ່ງນັ້ນ ພຣະອົງ​ຈຶ່ງ​ເລີ່ມຕົ້ນ​ສັ່ງສອນ​ພວກເຂົາ​ຫລາຍ​ເລື່ອງ.

ພຣະອົງ​ບໍ່​ສາມາດ​ເຮັດ​ການ​ອັດສະຈັນ​ໃດໆ​ຢູ່​ທີ່​ນັ້ນ, ນອກຈາກ​ພຣະອົງ​ໄດ້​ວາງມື​ໃສ່​ຄົນ​ເຈັບໄຂ້ໄດ້ປ່ວຍ​ບາງຄົນ ແລະ ຮັກສາ​ພວກເຂົາ​ໃຫ້​ຫາຍດີ. ແລະ ພຣະອົງ​ປະຫລາດໃຈ​ໃນ​ຄວາມ​ບໍ່ເຊື່ອ​ຂອງ​ພວກເຂົາ. ຫລັງຈາກ​ນັ້ນ ພຣະເຢຊູເຈົ້າ​ໄດ້​ສັ່ງສອນ​ຕາມ​ບ້ານ​ຕ່າງໆ​ທີ່​ຢູ່​ອ້ອມຮອບ​ເຂດ​ນັ້ນ.

ແລ້ວ​ພຣະເຢຊູເຈົ້າ​ກໍ​ຈັບ​ເອົາ​ເຂົ້າຈີ່​ຫ້າ​ກ້ອນ ແລະ ປາ​ສອງ​ໂຕ​ນັ້ນ​ມາ ແລ້ວ​ເງີຍໜ້າ​ຂຶ້ນ​ເບິ່ງ​ສະຫວັນ, ພຣະອົງ​ໂມທະນາ​ຂອບພຣະຄຸນ​ພຣະເຈົ້າ ແລະ ຫັກ​ເຂົ້າຈີ່​ແລ້ວ​ພຣະອົງ​ກໍ​ຍື່ນ​ໃຫ້​ພວກສາວົກ​ຂອງ​ພຣະອົງ​ເພື່ອ​ແຈກຢາຍ​ໃຫ້​ປະຊາຊົນ. ພຣະອົງ​ຍັງ​ແບ່ງ​ປາ​ສອງ​ໂຕ​ໃຫ້​ພວກເຂົາ​ທົ່ວ​ເຖິງ​ກັນ​ອີກ​ດ້ວຍ. ພວກເຂົາ​ທຸກຄົນ​ໄດ້​ກິນ​ອີ່ມ​ແລ້ວ. ແລະ ພວກສາວົກ​ກໍ​ເກັບ​ເຂົ້າຈີ່​ຕ່ອນ​ທີ່​ຫັກ ແລະ ປາ​ທີ່​ເຫລືອ​ນັ້ນ​ໄດ້​ເຕັມ​ສິບສອງ​ກະບຸງ.