ខគម្ពីរពេញនិយមពី གཉིད་པ་ཀོ་རིན་ཐི། 9

ចែក​រំលែក

ནའི་ཚཱས་པ་གེ་ལག་ཉི་ དཀོན་མཆོག་གི་ གནང་མེ་རེ༌བེ། ཉི་ན་ཧ་དེན་གེ་ ཧང་ཁག་ཆི་ཝ་ཐུར་ ན་ཤི་ཉོང༌པེ། ཉི་ལའི་ལེག་པུ་ག་དེན་གེ་ཏ་ ཚཱས་པ་གེ་ལག་ཉི་བུ་ཉོང༌པེ།

ཨོ་ཉི་ཨ་དེན་གེ་ ནའི་ཐམས་ཅན་གི་ བི་ལེ་དག་ཉི་ མི་ཝ་དང་ཏུ་ཉི་བི། བི་ལེ་མ་ལ་མེ་ནང་ཀེ་རང་མ་བི་ ཉི་ངོ་ཚ་མར་བཱན་བུ་མ་བི། ཧང་ཡ་དག་ནེ་ལ་ སེམས་ནང་ཀེ་ཨ་ཉི་རང་ ཤོ་ནང་ཕེ་ཉི་བི་ཁཱན་ སོ་ངོ་ཁེ་པ་ དཀོན་མཆོག་གི་ ཕང་ཉི་གནང༌ཅ།

སེམས་ཀ་ཐའི་ ལི་ཉུང་པུ་ཡབ་ཁཱན་ སོ་ངོ་གི་ ཐོག་བུ་ཉུང་པུ་ཤ་དུང༌མེ། ཉི་ལི་མང་པུ་ཡབ་ཁཱན་ སོ་ངོ་གི་ ཐོག་བུ་མང་པུ་དུང་མེ་གི༌ལ།

ལའི་པ་ག་ ལི་གནང་ཁཱན་དང་ ཟ་ལེ་ག་ལྟོ་གནང་ཁཱན་ དཀོན་མཆོག་གི་ ནའི་ཚཱས་ཁཱན་ ཐམས་ཅན་རང་གནང༌མེ། ཉི་ན་ཤི་ བཱརའ་སོ་ངོ་བ་ཀ་ རུམ་པེ་རེ་བེ་དེན་གེ་ རོ་ཀི་ ན་ཧ་ཆོ་ཁཱན་ཁེ་པ་ སེང་ཉི་གནང༌མེ། ཉི་ན་ཧ་བ་ལག་ཏང་ ག་དང་ཡང་པུ་རི་ལེ་དེན་གེ་ ཧང་ག་རང་གི་ནེ་བུ་ ན་ཧ་བ་ བེ་དིང་ཅོད་ཉི་གནང༌མེ། ཉི་ཨ་ཧ་ཐུང་ཀེ་ཨ་ཉི་ ན་ཤི་རུམ་ཁཱན་ག་དེན་གེ་ རོག་ཏེ་བ་ཀི་ དཀོན་མཆོག་ག་ བཀའ་དྲིན་བསམ༌མེ།

ཞུ་ལེ་ག་ཚིག་བུ་མ་ཁཱན་ སེ་རབ་གནང་མ་ཨ་དེན་གེ་ དཀོན་མཆོག་ག་ བཀའ་དྲིན་བསམ་ཁེ༎