ខគម្ពីរពេញនិយមពី Fagsigadan 39

ចែក​រំលែក

Ay Use dewa sik fanuguwan, mabayan tuwa nu gbanwan si at fun at bale, teway Yawi igtarabang tuwa anya.

Ay Putifar nafatanud wa sas Use fagayu at fagmabalanun. Ay siginan ginanya, Putifar we fagbulun, dasday igfili at nateboan fag fakonun. Ay Use nu kalag, sik masine fag baguwama, ay mafandaragangan.

Ay nu katanya tuwa, at fun sanya fag bale sungsungan nalong wa sas Use te, “Katsi o wan tagsugu sa am ngay iba at masungsungan ay tagfafagbulun iste sad bale sungsungan.”

Ay nasugu sik ngay taw te, “Nanbul am Use, ay tabani sa tam fun daul at fagagbilugun fag bale sungsungan. Ay sungsungi wa Use sanya.” Ay kanya fag ngay taw nafaning wa fiya. Ay Use dewa masungsungan, Yawi di gfabayan. Igtarabang tuwa gugat anya. Ay Yawi gfamatanganan at fun sanya fag bale sungsungan te, laman kaumsig tuwa Use at ngay leleganan.

Ay roro Use nu glugo wa sanya, Putifar mangena gyay wan. Ay nalong anya te, “Sai wa angku.” Ay Use nalong te, “Yaya. Kwa kaumsig. Igsaful wa ro o te, ku fun nafatanud wa sa angku fagayu fagayu at fagmabalanun iste fag bale. Ay we glabi angku. Ay ku fun we nafayud angku. Ay o long fagsadi at mangena wa nafon angku. Kwa kaumsig katanya fag fagbulun teway mauri way dawdaw sa ku fun. Asalanan way katanya. Diyus kalimata way.”

Ay bandi sik menit, gina Use nasakbo sas Putifar at bale laman nanfagbulunan kata ebi ataw fag ngay menit, roro tibak fanuguwan wa sanya ginanya. Ay Putifar mangena inkakbang sas Use ay nated wa daw at balukas, ay glong te, “Sai wa angku.” Ay roro Use nafanlelegan, ay inluslus wa mandi siginant balukas. Ay natarung wan. Nalfas wa siginan sad bale. Nu katanya, Putifar mangena nafabul wan Use balukas.