ខគម្ពីរពេញនិយមពី २ कोरेन्‍ठि 1

ចែក​រំលែក

हाङ् कानिम् पारभु येसु खिरिस्‍टमि आपा निवाँहाङ्‌मि निङ् सङ्‌पि लिर। खो चाइ नाम्‍नाम् पिसिखुबा आपा हाङ् डुखा मिखॆॽमिक्‍खुबा निवाँहाङ् यो। खोसॆ कानिऎ सङ्‌क चोब्‍न डुखाबि सिॽमिम्‍पा याॽमिचि उम्‍चि डुखा मिःखॆमिॽमॆ खानावाँ इहिखुबा मुमाम् लागि चोब्‍न डुखा मिखॆॽमिकि।

मान्‍ठाभनॆ कानिऎ मान्‍टहाङ् खिरिस्‍टबि एट्‌टान डुखा आङुकि, आक्‍रहाङ्‌न निवाँहाङ्‌बाङ् डुखा मिःखॆॽमॆ डिरिक् खानावाँ टक्‍चाकि।

काङ्‌का ग ह कानिम् सिखॆॽमॆ डिना टाआ मिनिङ्‌का। टर टाङ्‌पाबि हॆॽनॆ, टर सिखॆॽमिम्‍पाचि हिङ्‌पक्‍मिक्‍खुबा निवाँहाङ्‌पि टे निवाँयुङ् लॆःॽहिसिर कामानुङ् रे आक्‍र लिसा।

ह निवाँहाङ्ऎन काङ्‌का नुङ् आन्‍ना सोरि खिरिस्‍टमि निवाँयुङ्‌पि चॆकुवॆ मुडि। हाङ् खोसॆॽन कानि सेःॽडि। हाङ् काम् याॽमिचि कामानुङ् कानिबि इमिम्‍पा चोब्‍न खानावाँ लिःॽन कामानुङ् लायुङ् टिडु हाङ् इन्‍मिम्‍पा चिन्‍नामि लागि खोसॆ कानिमि लावाबि सॆङ्‌सॆङॆ लावा पिडि।

हाङ् काङ्‌कॆ डुखा आङुङ्‌का हाङ्‌ग, आक्‍क आन्‍नॆ आन्‍नामि डुखा मिःखॆॽमाम् लागि हाङ् फाग्‍मामि लागिन। हाङ् काङ्‌कॆ डुखा मिखॆॽमॆ खानावाँ टक्‍चाउङ्‌का हाङ्‌ग आन्‍नॆ स टक्‍चाकाम्‍नि। हाङ् काङ्‌कॆ आङ्‌मिम्‍पारऎ डुखा आन्‍नॆ सङ्‌क आङाम्‍नि हाङ्‌ग, आन्‍नॆ स म डुखा काम्‍नुःर आङ्‌हिकाम्‍नि।