ខគម្ពីរពេញនិយមពី १ कोरेन्‍ठि 13

ចែក​រំលែក

नाम्‍नाम् पिसिखुबा याॽमिऎ डिरिक् खानावाँ आङ्‌हिकु हाङ् सोक्‍टुॽवा नुङ्‌मा लि। नाम्‍नाम् पिसिखुबा याॽमिऎ सिरि लॆटुनि, काङानङायॆ मिन्‍नि हाङ् ढ्‌या लॆङ्‌नि। नाम्‍नाम् पिसिखुबा याॽमिऎ होइढाचि काइर लॆटुचिनि, टाङ्‌पाम्‍टे नुऎ लिर मिन्‍नि, हुन्‍न सोम् खेॽनि हाङ् याॽमिचिऎ ऎॽवा काइर लॆटिङ्‌मिहा लोमॆ मिॽलाउनि।

हाङ् नाम्‍नाम् पिसिखुबा याॽमिऎ चोब्‍ठका आङुकु, चोब्‍न खानावाँबि निवाँयुङ् लॆकु, चोब्‍न खानावाँबि काम्‍नुऎन लि मिनुकु हाङ् चोब्‍ठका हुङ्‌हिकु।

नाम्‍नाम् पिसिखुबा याॽमि काइसॆ खानावाँबि चेन्‍चानि, टर चाइबानऎ खानावाँबि चाइ चेन्‍चाक।

टर इघा निवाँयुङ् लॆःॽमॆ, आसा युङ्‌मॆ हाङ् नाम्‍नाम् पिसिॽमॆ लोमॆ सुम्‍चि खानावाँ चाइ हानाम्‍स लिढ्‌याङ। इघा सुम्‍चिबि चोब्‍नबाङ् यिक्‍मान लॆऎ योम्‍पक् चाइ नाम्‍नाम् पिसिॽमॆ यो।

नाम्‍नाम् पिसिॽमॆ खानावाँ हानाम्‍स लुक्‍खॆॽनि, इॽयाक् निवाँहाङ्‌बाङ् यामुमॆ बारडाना लुक्‍खॆ, वाप्‍निहा खाप् यामुमॆ बारडाना सङ्‌क लुक्‍खॆ हाङ् याॽमिचिम् चेन्‍टुबाङ् निवाँमि बारडाना सङ्‌क लुक्‍खॆ।

काङा बाखाटेम्‍पिहा याॽमिचिमि डिरिक् खाप् हाङ् निवाँखाटॆखुबाचिमि खाप्‍पि यामुङा, टर काङाबि होइढाचि नाम्‍नाम् पिसिॽमॆ निवाँ माआ हाङ्‌ग, काङा एट्‌टान याकाखुबा घान्‍टि हाङ् झ्याम्‍टा रक्‍मा टे लिःॽङा।

हाङ् काङानुङ् निवाँहाङ्‌मि खानावाँ लोमॆ बारडाना, निवाँहाङ्‌मि चुम्‍मिम्‍पा खानावाँ वाब्‍मॆ बारडाना, चोब्‍न खानावाँ लेक्‍खुबा चेन्‍टुबाङ् निवाँ टक्‍चाडुङ् हाङ् पङ्‌पङ्‌मान मॆॽयङ् वेन्‍मॆ निवाँयुङ् चुबिॽङा हाङ्‌स काङाबि नाम्‍नाम् पिसिॽमॆ निवाँ माआ हाङ्‌ग, काङा माङ्‌स हॆॽनॆ।

काङॆ काङामि चोब्‍न चासुम् याॽमिचि पिइटुङ्‌चि हाङ् टाङ्‌पाम सालुङ् सङ्‌क सङ्‌टिबिइॽमाम् लागि पिकुङ्‌चि। टर काङाबि नाम्‍नाम् पिसिॽमॆ निवाँ माआ हाङ्‌ग आक्‍कसॆ माङ्‌स योम्‍पक् यिगुनि।

काङा पिसा लॆटिङ्‌र पिसाऎ रॽन यामुयुक्‍सिङ्, वाब्‍युङ्‌सुङ्, मिन्‍युङ्‌सुङ्। टर ह काङा पासिङ् पिक्‍खॆडिङ् मसॆ चाचाबिहा खानावाँ याइटुङ।