ខគម្ពីរពេញនិយមពី Ɓalɔma 8

ចែក​រំលែក

Kakʉmbɨa ɓɔ moni kʉ muɓomu ngika Asʉɓɨɨ aakyɨa, aakʉkyɨa tʉkʉ aka iɗo yɨ ɓombi ngiɓa ɓaamʉkʉnda, iɓa ɛyɔ a꞉ɓusoko kʉkpatanakɨa nʉ moni ngika ɛyɔ aakwaiso kʉkyɨa.

Jʉ makʉmbɨa kingono kusigo ɓɔ yambʉkɔmʉ nʉ ɨkyɛmɛ gʉkʉ mɨngana iya ya꞊kwanana nisu kʉɗʉkaniso nʉ ɓʉkʉnda ɓʉ Asʉɓɨɨ. Chʉkɔmʉ ingyo, gʉ ɓɔ ʉɓɨɨ, gʉ ɓɔ ɓamalaika, gʉ ɓɔ ɓangama ɓʉ moni kʉ umomo, gʉ ɓɔ moni kʉ ɨtakɨ‑takɨ ngiakɛ, gʉ ɓɔ ika ka꞊ka sina, gʉ ɓɔ angu, gʉ ɓɔ angu ngia a nɨkʉʉ, gʉ ɓɔ iya a nɨsɨ, gʉ ɓɔ ɨkyɛmɛ yɛmɔ kʉ iɓomu ngia Asʉɓɨɨ a꞉kyɨa. Yambʉkɔmʉ nʉ ɨkyɛmɛ gʉkʉ mɨngana ngia ya꞊kwanana nisu kʉɗʉkaniso nʉ ɓʉkʉnda ɓʉ Asʉɓɨɨ ngiɓa a꞉tɨpana 'upi akʉ Makʉʉndɛsʉ Yeso Klisito.

Kʉ ɓwanɨ, 'Ʉtʉma wʉ Asʉɓɨɨ waatɨsalɨa amati ʉ ɓayadʉɓa ngiɓʉndɛsʉ, jʉ isu kambakambɨa kʉta ndʉ akʉ yɨkwananaka‑ɔɔ. Ɨkyɛmɨngana, tʉkʉ 'Ʉtʉma wʉ Asʉɓɨɨ makʉɔngɔ kʉ waatɨtɨa apɛɛ angɔ nayɔ kukikilikio ikanzi ngia ɓambʉkʉkwanana‑ɔɔ kʉyaka nʉ moni.

Ɨmanɨ ti‑zu ɓata iya kʉkwanana kʉyaka engo ekoo moni ngikakɛ? Ndʉ Asʉɓɨɨ aɓio nʉ wagba wʉndɛsʉ, anɨ iya a꞊kwanana ɓata kuɓio makwa wʉndɛsʉ?

Kʉ ɓwanɨ, ɓambʉkʉnapɨa tii ɓata ɓombi ngiɓa ɓa꞉jubunio nʉ Yeso Klisito nʉ 'ʉkɔmbɔ.

Kuɓio nʉ ɓatanga aka ekoo ʉ ɓamoni ɓʉ ndʉtʉ ya ɨngbaa yɨ ingyo. Ɨkyɛmɨngana, kʉnapɨa 'ʉtʉma ekoo ʉ 'Ʉtʉma wɔɔ Tu ya ɨngbaa yɛɛ nyɨɛ nʉ ʉɓɨɨ nʉ majɨɔ.

Ɨkyɛmɨngana, akʉ lɨngbaa lʉ moni ngila kʉ liɓomu kaaɓʉa tʉkʉ ɓaginda 'upi akʉ mombi ngia a꞉tɨkʉnda.

Makʉna ɓɔ ɓʉka‑ɓʉkaɨ ɓʉ wati ngua wʉ ɨtakɨ‑takɨ ngiakɛ ɓambʉkʉkwanana kuɓio ngbanga nʉ ɨbɨba ngia Asʉɓɨɨ a꞊tɨpana akʉ ɓʉmba.

Anɨ‑zʉ iya a꞊tɨɗʉka nʉ ɓʉkʉnda ɓʉ Klisito? Ajʉ moni kɔɔ ɓʉkaɨ, ɓatanga, ɓʉka‑ɓʉkaɨ, taa, unduu, ɓio akʉ 'ʉkɨnga, gʉ ɓɔ ingyo?

Nʉ Asʉɓɨɨ iya aana moni ngika ka amati ʉ 'ʉtʉma, aapimiso moni kʉ muɓomu ngika 'Ʉtʉma wɔɔ Tu waakʉnda kʉta engo, jʉ 'Ʉtʉma wɔɔ Tu waatɨa ɓombi ɓʉ Asʉɓɨɨ kʉkpatanakɨa tʉkʉ nʉ ɓʉkʉnda ngiɓa ɓʉ Asʉɓɨɨ.

Ɓombi kʉ ɓuɓomu ngiɓa ɓakʉkɨndaka ɛsɨ angu wʉ 'Ʉtʉma wʉ Asʉɓɨɨ ɓa ɓana ɓʉ Asʉɓɨɨ.

Jʉ ɓombi ngiɓa ʉɓɨɨ nguʉndaɓʉ wa tʉkʉ nʉ ɨkyananaka yɨ ndʉtʉ yɨ ɨtaka, ɓatanga nga ɓʉndaɓʉ ɓaakyɨa tʉkʉ aka ekoo ɓamoni ɓʉ ndʉtʉ. Ɨkyɛmɨngana, ɓiga ngiɓa ɓaakpata ɨngbaa yɨ 'Ʉtʉma wʉ Asʉɓɨɨ, itungwio nga yɨndaɓʉ yaakyɨa tʉkʉ aka ekoo moni ngika 'Ʉtʉma nguʉnanɨ waakʉnda.

Asʉɓɨɨ a꞉nangyokɔmʉ ɓɔ Mwana angɔ ngia ɔɔ nangana ɔɔdyakɔmʉ ɓʉka‑ɓʉkaɨ, ɨkyɛmɨngana a꞉munzo aka ekoo ʉndɛsʉ kʉ ɓuɓomu. Ya꞊mʉkyaka tiga tanɨ nisu kunzo kumbo kʉ uɓomu ɨsʉkʉɓwanɨ ɨzɔ nʉ Mwana angɔ kʉtaa?

'Ʉtʉma nguʉnanɨ wanisu kumbiiso kingono amati mɨtʉma ngiindɛsʉ kusigo ɓɔ ka ɓana ɓʉ Asʉɓɨɨ. Ndʉ yaɓio ɓɔ ka ɓana ɓangɔ, ka꞊kwanana kʉ kʉ꞊dyɨa ɨjangɨa ngia Asʉɓɨɨ a꞉panaka jɛnɛ ɓombi ngiɓangɔ, nʉ ka꞊dyɨa ɨjangɨa ngiinanɨ ɨzɔ nʉ ɔɔ Klisito. Jʉ ka꞉dya ɓʉka‑ɓʉkaɨ ɨzɔ nayɔ, ka꞊kwanana tiga kʉ kuɓio ɨzɔ nayɔ amati ɨbɨba ngiangɔ.

Jʉ ɓombi ngiɓa ɓaakpata ɓamoni ɓʉ ndʉtʉ ɓa ɓakwa ɓʉ Asʉɓɨɨ, ɓambakakpata mapanʉ kʉ Asʉɓɨɨ, nʉ ɓambʉkɔmʉ ikanzi ngia ɓakʉkpata kʉ ɓwanɨ.

Kumbo kʉ uɓomu ngia Asʉɓɨɨ a꞉kyɨa akusiɓo nʉ taa yengo kʉna aka Asʉɓɨɨ a꞊pana‑ɔɔ ɓana ɓangɔ akʉ ɓʉmba.

Jʉ kakʉmbɨa ɓɔ kʉɓʉya kʉndʉ ɓʉɓʉnɨ, kumbo kʉ 'ʉɓomu ngia Asʉɓɨɨ a꞉kyɨa a amati ʉ dyanɨa, nʉ kɨnganaka amati ɓʉka‑ɓʉkaɨ ngbanga ndʉ iya moi aakyɨa‑ɔɔ kʉnʉta.