ខគម្ពីរពេញនិយមពី Ɓalɔma 7

ចែក​រំលែក

Ɨbɨba akʉ Asʉɓɨɨ 'upi akʉ Makʉʉndɛsʉ Yeso Klisito! Kʉ ɓwanɨ, makʉkyananakɨa ʉpanʉ wʉ Asʉɓɨɨ nʉ mbɨmbanaka ngiisɛmɛ, ɨkyɛmɨngana aka ekoo ʉ ndʉtʉ ngiisɛmɛ yɛɛ bata bata, ma tii tʉkʉ bayo wʉ ʉpanʉ wʉ ɓʉɓɨɓɨ.

Jʉ makʉmbɨa iɗo ɓɔ yambʉkɔmʉ nʉ ɨkyɛmɛ yɛɛ iɗo amati asɛmɛ gʉkʉ mɨngana, iya yakusigo ɓɔ amati ndʉtʉ ngiisɛmɛ. Tɔ, taa yɛɛ kyɨɛ moni kɔɔ muɗo ya amati asɛmɛ, ɨkyɛmɨngana ya ɓʉkaɨ ɛmɛ kʉkyɨa engo.

Jʉ moni kɔɔ muɗo ngika makʉkʉnda kʉkyɨa engo, mambʉkɔmʉ nakɔ kʉkyɨa. Ɨkyɛmɨngana, ɓʉɓɨɓɨ ngiɓa mambʉkɔmʉ kʉkʉnda kʉkyɨa engo, ɨɓɔ iɓa ma tiga naɓɔ kʉkyɨa.

Kʉ ɓwanɨ, ndʉ maɓio kʉkyɨa moni ngika mambʉkɔmʉ kʉkʉnda kʉkyɨa engo, yakusigo ɓɔ chʉkɔmʉ ɛmɛ kʉ makʉkyɨa engo, ɨkyɛmɨngana ya tʉkʉ ɓʉɓɨɓɨ ngiɓa ɓa amati asɛmɛ.

Kʉ ɓwanɨ, ma꞉pimiso pongo ʉpanʉ nguʉnanɨ wa amati asɛmɛ. Ndʉ maasigo ɓɔ mʉkyɨa moni kɔɔ muɗo, tʉkʉ ɓʉɓɨɓɨ ɓatɨnganɨa mamɓʉɓʉkyɨa. Ɨkyɛmɨngana, amati ʉ 'ʉtʉma nguʉsɛmɛ ʉpanʉ ngua wʉ Asʉɓɨɨ waanakataa kataa.

Ndʉ yaɓio ɓɔ makʉkyɨa ɨkyɛmɛ ngia mambakakʉnda, yakusigo ɓɔ makʉbaya ɓɔ ʉpanʉ wa uɗo.