ខគម្ពីរពេញនិយមពី 1 Ɓakolito 6

ចែក​រំលែក

Ajʉ nambakambɨa‑zʉ ɓɔ ndʉtʉ ngiindɛnʉ ya ɨkáa yɨ 'Ʉtʉma wɔɔ Tu ɓiɛ? 'Ʉtʉma nguʉnanɨ uuwa wa amati ʉndɛnʉ, uwa Asʉɓɨɨ a꞉ninzo. Inu nambʉkɔmʉ ɓakʉ ɓʉ ndʉtʉ ngiindɛnʉ. Asʉɓɨɨ a꞉nɨkʉa nʉ ɨgabʉ yɛɛ ɓʉmʉ. Kʉ ɓwanɨ, ndʉtʉ ngiindɛnʉ yiɓio kunzo tʉkʉ Asʉɓɨɨ ɨbɨba.

Inu naambɨa tʉkʉ iɗo kusigo ɓɔ ɓombi ngiɓa ɓaakyɨa ɓʉɓɨɓɨ ɓambʉkʉkwanana kʉnyɨa nʉ izi akʉ Ɓʉngama ɓʉ Asʉɓɨɨ. Nɔɔɓiokɔmʉ amati ʉ ɓujangi‑jangi, kuɓio ɓombi ɓʉ ɨndambʉ, ɓombi ɓɔɔ ɓubibise ɓamʉngʉ ɓʉ yakanaka, ɓombi ɓɔɔ ɓʉkʉndɛ ɓugue yɛmɔ ɓoi ɓʉ ɓangɛ, nʉ ɓugue ɓɔɔ ɓʉkwaanɛ kʉ ati ʉndaɓʉ, nʉ ɓoi kʉ ati ʉndaɓʉ, ɓagandiɓo, ɓombi ɓɔɔ ɓʉtananakɨɛ kumbo wʉ ɓangɛ, ɓombi ɓʉ ɨdamʉ, ɓombi ɓɔɔ ɓuchwie ɓangɛ nʉ moni kʉ ɓʉʉ, ɓombi ɓɔɔ ɓuhinyoe kumbo ʉ ɓangɛ, ɓombi ngiɓʉnanɨ kʉ ɓuɓomu ɓambʉkʉnyɨa sina nʉ izi akʉ Ɓʉngama ɓʉ Asʉɓɨɨ.

Kumeni ɨndambʉ kumoni! Jʉ ɓʉɓɨɓɨ kʉ ɓuɓomu ngiɓa mombi aakyɨa aambakaɓʉkyɨa ekoo ʉ ndʉtʉ ngiangɔ. Ɨkyɛmɨngana, mombi ngia aakyɨa ɨndambʉ, aakyɨa ɓʉɓɨɓɨ tʉkʉ ekoo ndʉtʉ ngiangɔ makʉɔngɔ.

Ɓombi ngana ngana ati ʉndɛnʉ ɓaasigo ɓɔ: « Ɓa꞉natitio kʉkyɨa ɓamoni kʉ muɓomu. » Ya ndʉ ananɨ, ɨkyɛmɨngana moni kʉ muɓomu kambʉkɔmʉ muɗo akʉ inu. Mʉkwanana kʉ kusigo ɓɔ ɓa꞉natitio kʉkyɨa moni kʉ muɓomu. Ɨkyɛmɨngana, mambʉkʉbaya kuɓio bayo wʉ ɨkyɛmɛ gʉkʉ mɨngana.

Asʉɓɨɨ ngia a꞉jʉkaniso Yeso akʉ ingyo, a꞊tɨjʉkaniso sina isu kʉ jʉkanisoo akʉ angu ngiangɔ.