ខគម្ពីរពេញនិយមពី 1 Ɓakolito 12

ចែក​រំលែក

Ɨkyɛmɨngana, angu ʉ 'Ʉtʉma wʉ Asʉɓɨɨ aapananɨa amati ʉ mombi kʉ nangana nangana, ambʉ ɓombi kʉ ɓuɓomu ɓʉnyɨa nʉ ɨjangɨa yɛngɔ.

Kʉ ɓwanɨ, inu na ndʉtʉ yɨ Klisito, nʉ mombi kʉ nangana nangana ati ʉndɛnʉ a izi yɨ ndʉtʉ ngiinanɨ.

Ndʉ izi mɨngana yambʉmbana, ila lɔmɔ kʉ liɓomu lambʉmbana kʉ mbʉmbanaa ɨzɔ nayɔ. Ndʉ izi mɨngana yɨ ndʉtʉ yanyɨa nʉ ɨbɨba, ila lɔmɔ kʉ liɓomu lakwa ɨgyagya kʉ ɨzɔ nayɔ.

'Ʉtʉma wɔɔ Tu waanzo mombi apɛpɛ ɔɔ yakɛ moni nʉ 'ʉtʉma wɔɔ pimise moni, waanzo mombi nga wɔmɔ tʉkʉ apɛpɛ ɔɔ yakɛ moni kʉ mbɨmbanaka nadɨndɨ. Tʉkʉ 'Ʉtʉma mungono nguʉnanɨ waanzo mombi baya yɛɛ ɓʉmʉ, wambunzo mombi ɔmɔ angu ɔɔ hiise ɓombi ɓʉ ɓakwisikiso. 'Ʉtʉma nguʉnanɨ waanzo mombi ɔmɔ angu ɔɔ kyɨɛ ɓamoni ɓɔɔ ɓʉmbangɛ. Waanzo mombi ɔmɔ angu ɔɔ yakɛ ɓamoni ngiɓa ɓaaʉngwa ɔɔ Asʉɓɨɨ. Waanzo mombi ɔmɔ angu ɔɔ pimise mɨtʉma yɨ yakanaka, nʉ 'ʉtʉma ngua wʉ ingono. Waanzo mombi ɔmɔ angu ɔɔ yakɛ maɗaɗa kɔɔ ɨkyɨkyɨɓʉmʉ, wɔmɔ angu ɔɔ ngakanakise maɗaɗa ngikʉnanɨ.

Moni ngikʉnanɨ kʉ muɓomu kakʉʉngwanakɨa nʉ 'Ʉtʉma wɔɔ Tu tʉkʉ mungono uwa waanzo mombi kʉ nangana nangana apɛpɛ kʉ di di di tʉkʉ ndʉ akʉ aɓio‑ɔɔ kʉkʉnda.

Aka ekoo ngia ɓɔ lizi lʉ ndʉtʉ lɔɔɓiokɔmʉ nʉ ɗuɗono ati ʉndaɓʉ, ɨkyɛmɨngana luɓio tʉkʉ kʉpɨmanakɨa ati ʉndaɓʉ.

Mɨgbʉ yɨ apɛpɛ wʉ 'ʉtʉma wɔɔ Tu ya kʉ di di di, ɨkyɛmɨngana tʉkʉ 'Ʉtʉma wʉ Asʉɓɨɨ mungono nguʉnanɨ waanzo mɨgbʉ yɨ apɛpɛ ngiinanɨ kʉ iɓomu. Lɨngbaa lɔɔ lɨkyananakɨɛ Asʉɓɨɨ la kʉ di di di, ɨkyɛmɨngana Makʉʉɓɨɨ ngia kanayɔ kʉkyananakɨa a tʉkʉ mʉngana. Mɨgbʉ yɨ kuu ya kʉ di di di, ɨkyɛmɨngana Asʉɓɨɨ a tʉkʉ Mʉngana iya aakyɨa kuu kʉ iɓomu amati ʉ ɓombi kʉ ɓuɓomu.

Ngbanga kʉ ɓwanɨ, amati ʉ kanisa, Asʉɓɨɨ aakpanga‑zʉ napɨa pɛɛ tʉkʉ ɓatitima, ɓombi ɓʉ ɓepini lɨgbɛ, iɓa ɓʉ ɓeetu ɓapananakɨa, tiga aanzo ɓombi nga ɓɔmɔ apɛpɛ ɔɔ kyɨɛ ɓamoni ɓɔɔ ɓʉmbangɛ, tiga iɓa ɓaahiiso ɓombi ɓʉ ɓakwisikiso, nʉ iɓa ɓaasalɨa ɓangɛ, nʉ iɓa ɓaakɨndakiso ɓangɛ, nʉ iɓa ɓaayaka maɗaɗa kɔɔ ɨkyɨkyɨɓʉmʉ.

Ndʉtʉ yambʉkɔmʉ izi tʉkʉ mɨngana, ɨkyɛmɨngana yanʉ lizi lɨja.

Kʉɓaana nadɨndɨ, lizi lʉ ndʉtʉ ngila laanyɨa ndʉ lambʉkɔmʉ nʉ ɨjangɨa, ɨlɔ lanʉ ɨjangɨa nadɨndɨ.

Ndʉ ndʉtʉ kʉ iɓomu yaɓio tʉkʉ iso, mombi a꞊kɔ tiga tanɨ? Ndʉ ndʉtʉ kʉ iɓomu yaɓio tʉkʉ 'uchwei, mombi a꞊kɔ tiga imbo yɨ ɨkyɛmɛ tanɨ? Ɨkyɛmɨngana, Asʉɓɨɨ a꞉napioko lizi lʉ ndʉtʉ kʉ nangana nangana, tʉkʉ ndʉ aka ɛyɔ i꞉nye‑ɔɔ kʉkʉnda. Ambʉ́ ndʉ ndʉtʉ ya izi tʉkʉ mɨngana, ambʉ́ ndʉtʉ yambʉkɔmʉ.