ខគម្ពីរពេញនិយមពី Mâk 9

ចែក​រំលែក

Njisə̀s ə pfɨfə sê vəyn nə, “Kûmə̀ ghè ə ò pìə nə ə m nyi kàʼa m nəyn ghɛze mə nə̂ ə? Ə̀ pomə pindè, ə kaʼa ə nəyn nâʼàpî ghè sê vəyn.”

Kè nyiə kə è wàmnè mɨ̂sè, pɨ̀a va ə̀təyn ə pɨa pîə nə, “Mə pomə pîza fɨyn tsàmte mi ə m tɔʼ pomə̂!”

Ə pə̀ kə Njisə̀s njiə ə ndɛ, chùmtè èpàm sə vəynse ə nyaʼtə̂ pfɨfə sê vəyn nə, “Kûmə̀ ghè ə ze fe tɛ ghaʼa ghàs se chùmə fɨse ə sezuʼ sepi nə sɛ ə?” È və pìə sê ghənə nə, “Fɨa vayn kàʼa ke chùm fɨse, èkyìə ə sezuʼ sepi nə sɨ̂nə̀ ə̀ tsɛ̂ kə va tsə̂mzè.”

Ngwaŋfe nyîə tsɔ̂fə̀, pîza mə ezhoghɛ fe sè fɨnə tɔfə va, ə ò ghayn ghe è fəynfe nə fe ə fɨnə tɔfə? Ghàyn e kyi fèngwaŋ ə ghàyn ewìyn. Nâʼàpî ndè e ndamə èndam ə pɔ̂ynèzè yî ànyìə vəyn.”

“Ə̀ tɔ̀ʼnè pîndè è vâyn nyiə kə vɨ̀nə kûmə̀ mi, ə nyi mə è və tɔ̀ʼnə̀ èmi, ə vɛ ə è tɔ̀ʼnə̀ mi ə ke nə è tɔ̀ʼnə̀ e vɛ ə è tom mi.”

M pîə sê ghàyn səmɔʼ nə, nâʼàpî ndè vɛ ə è fo wà mmò nə ghàyn mɨte kûmə̀ nə ghàyn chùmtə̀ mi vayn kàʼa è faŋ se kyî emâʼte ə vəynve.”

“Ə̀ nyiə nə̀yn pîndè nə ghɔyntə̂ femɔ̀ʼ əfètə̂ ə̀ ghɔyn nə ghɨ̂yn ə pomə sê mi nyiə nə̀yn pi, ə ze ə tsɔ̂fə̀ nə ə kol chize ə vəyn emì, ə ndu mâʼà vəyn ə tsô èghaʼâ.

Shi zɛze ə nə̀ nə ò nəyn pi, o pɔ̀ʼɔ̀ fɨsə̂. E tsɔ̂fə̀ nə ò nji efɔ̂yn ə Fezhə̀vè è shize emɔ̀ʼ tsɛ̂ kə ə maʼa ghô elùʼ ewùs è shighə pɛ̀