ខគម្ពីរពេញនិយមពី Mâk 10

ចែក​រំលែក

Kûmə̀ nə Vâ wùə tè pâʼà pə̀yn nə ə fɨ̂aʼ sê vəyn. È tè pə̀yn sə̂ fɨ̂aʼà sê ghɨghe, se fɨnə fo ngɨŋə̂ vəyn se kwu se zhɔyn atu ə ghɨ tsɨəke.”

Njisə̀s ə naynə̂ ghənə nyi ə ke pi nə, “Ghɛ nə zɨ̂nə̀ tɛ ghaʼə kə ə̀ghɨ, pîza tɛ ghaʼa va Zhə̀fè kûmə̀ nə ghɛ ghəkɨ̂m pɔynə̂ kə nyî sê Zhə̀fè.”

Njisə̀s ə pìə sê vəyn nə, “Kɛse ə ò kwɨlə̂. Pomə zɛze ə nə̀yn ò vɛ ò tɛ.” Kè sə ashìŋə̀, è və kɛsə fe tèluʼ ə ndò sè chûmtə̀ ndùə vəyn.

E za tyə̀nə̀ nə Zhə̀fè kol nâʼàpî ghè, kə wùə nə̂ fɨyn zhəyn.”

Njisə̀s ə naynə̂ vəyn nyi, sè kɔ̀ŋɔ̀ vəyn ə ke pì sê vəyn nə, Ghɛze nyîə nyi emɔ̀ʼ ə ò pa kyi se nə̀yn. Nduə pəʼle fɨa vɛ ə ò kyi nâʼà èkɨ̂m ə fo èkɛ ətəyn sê ghɨ afɨfə, kə ò kyi ghaʼ ekwùtwəynze. Ə ò nə̂yn nyî, o pə̀ chûmtə̀ mi.”

Njisə̀s ə pfɨfə sê vəyn nə, “Ò kyiŋə nə m ghayn ghe sê ghò ə?” È və pìə nə, “Tyə̀ynsè, nə̀yn nə ə mə kɛsə̂ fe tèluʼ.”

Pîza, e kyi va sə̂ nyi za sê ghàyn. Nâʼàpî ndè vɛ ə è kyiŋə sə̂ nyi wùə èngaŋtə ə ghàyn əfètəyn kyi sə̂ nyi wùə èfɨaʼa sê ghàyn.

M pîə sê ghàyn səmɔʼ nə, ə faŋ pîndè se pomə efɔ̂yn ə Fezhə̀vè kə̂ vayn èpɔ, ə è tə tàʼa nji elùʼ efɔ̀yn nə vɨ̂yn.”

Ghɨ tsɨə nyi zôyn, nyi əshi pîza nyi se tə pə̀yn sə̂ nyi epàm, ghɨ̀ etsɨghe kə ghàyn zôyn e nyi epàm nyi se tə pə̀yn sə̂ nyi əshi.”

Pîza, mə ə tè nyi kə mbi zhə̀tè, ‘Zhə̀fè ə fɛtə̂ wùə endômə̀ è wùzhɔyn,’ ə ke pì nə, ‘Kûmə̀ nyî, wùə e ndômə̀ tə ndò ə pɨ̀a vəyn è nyìə vəyn ə ngwùŋ, ə è ndu tsɨ̂yntè yî zhwîə vəyn, ə ghənə ə pɛ̀ kɛse ə nyi ke se afɨa àmɔ̀ʼ,’ wùə e fɨyn kyi va ghɛ vəynze ə ngɨŋze