ខគម្ពីរពេញនិយមពី Wongeela Luqaas 8

ចែក​រំលែក

Lafa mishaa irra sanyiin bu'e ka muldhisu garuu, onnee misha'aa fi qalbbii qajeelttu'uun dubbii dhagayanii worra eegan, isaan'llee worra dubbi'iin jabaatanii, firii daraaran.»

Ximirroo qore'ee jiddu'utti'llee sanyiin bu'e ka muldhisu, waayee namoota yero'oof dubbii dhagayaniiti, garuu yaadinni biyya lafa kanaatii fi qabeenni, jireenni biyya lafaatii fi qananiin'llee hudhee, firii malee isaan ni hanbisa.

Sanyiin lafa dhagaalessa irratti bu'e ka muldhisu, namoota dubbii Waaqaa dhagayanii gammachu'uun fudhataniiti, isaan garuu ka amanan yeromaaf, hidda waan hin qabnneef'llee yeroo qormaataa bakkumatti ni waakkatan.

Kanaan duubatti'llee Yesus barattoota isaatiin, «Amantiin keessan eessa jira?» isaaniin jedhe. Isaan garuu haalaan maalalffataniitii fi sodaatanii ufii isaaniitii, «Bubbe'ee fi danbalii bishaanii'llee ni ajaja, isaan'llee ni ajajamaniif, haa ta'u malee kun eennu?» woliin jedhan.

sanyiin karaa biratti bu'e ka muldhisu, namoota yero'oof dubbii Waaqaa dhageeffatan, garuu isaan amananii akka hin fayyineef sheexanni dhufee, dubbii onnee isaanii keessaa ni fudhata.

«Akkuma kana ka dhokate uduu hin muldhatin, ka bade uduu hin beekkamin, ka hafu hin jiru.»

Dubarttiin'llee akka hin dhokatin yeroo beekittetti hollata'aa gara Yesusii dhufttee, miila isaa jalatti ni kuftte, kanaan duubatti maali'iif akka isa tuxxee fi attamitti bakkumatti akka fayyite'llee, ummata mara duranatti ni ibisite. Yesus'llee, «Yaa mucattii tiyya, amantiin kee si fayyisee jira, nagayaan deemi!» jedheen.

Barattoonni isaa'llee, «Yaa barsiisaa! Yaa barsiisaa! Dhumu'uuf jirra!» yoo jedhan, Yesusiin ni damaqissaniin. Inni'llee dammaqee bubbe'ee fi danbalii isa raasu'llee ni baanate, bubbe'ee fi danbaliin raasu'llee bakkumatti ni dhaabatan, chaldhisiisiinssi ol aanaan'llee ni ta'e.