ខគម្ពីរពេញនិយមពី 1 Gara Worra Qorontoosii 2

ចែក​រំលែក

Haa ta'u malee kitaabanni, «Ijji namaa ka hin ariginiin, gurri namaa'llee ka hin dhagayin, onneen namaa'llee ka hin yaadin, Waaqinni worra isa jaalatuuf qopheessee jira» jedha.

Hafuura Waaqaa ka hin qabnne nama foonii garuu kennaa Hafuura Waaqaa irraa ka kennamu fudhachu'uuf hin danda'u, ol aanaa ta'uun kenna'aa'llee ka qoratamu karaa Hafuura Waaqaatiin waan ta'eef, hubachu'uniif hin danda'u, gonkumaa kun isaaf gowummaa ta'ee itti ni muldhata.

Nu'uuf garuu Waaqinni karaa Hafuura isaatiin dhossaa isaa nuuf ibisee jiraa, Hafuurri Waaqaa gad fagoo ka ta'e dhossaan Waaqaa uduu hin hafin, waan maraayyuu ni qorata.

Waaqa biraa waan nuuf kenname akka beekinuuf Hafuura Waaqaati malee, nu'u hafuura biyya lafa tanaa hin fudhanne.

Haasofnni kiyyaa fi lallabnni kiyya'llee ogummaa namaatii fi haasayaa midhaassu'uun uduu hin ta'in, huminna Hafuura Waaqaatiin ka irkifame ture. Kana'llee ka raawwadheef amanitiin keessan ogummaa namaa irratti ka hundeeffame uduu hin ta'in, huminna Waaqaatiin ka irkifame akka ta'uuf.