ខគម្ពីរពេញនិយមពី Smnlean 6

ចែក​រំលែក

Utux Tmninun we gmhawan smnlean na seediq bobo dxeral, ckceka lhebun na we sqnaqah na ba kuxul.

Utux Tmninun we, qmita teyal ba qnnaqah noda seediq, lhebun daha we wano ooda naqah ka lnglungun daha klaali.

Wano Noax ka maangal huwe berah Utux Tmninun.

Nii we lutuc lqlaqi Noax. Noax we seediq msderux noda, seediq mttuku meniq knxalan na ciida.

Rmengo ka Utux Tmninun: “Sliqun mu peeyah bobo dxeral kana ka seediq smnlean mu, camac, kuyi ma, qbheni skiya karac baro. Ado gmhawan mu smnalu ka dheya.”

Prading mrana bobo dxeral ka seediq, dmanga laqi rseno ma mqedil ciida, dlaqi Utux Baro we qmita knbtunux qtaan ka dweewa seediq de mmhemuc gmao ma ngalun daha mqedil daha nanak. Rmengo ka Utux Tmninun: “Ado mquri heyi ka seediq de, uxe meeniq ckceka heyi daha ani betaq knuwan ka Bgihur mu. Ani so kiya, knuudus daha we betaq 1'20 knkawas nana.” Ciida we niqan ka seediq paru riyung, bobo na we ida niqan uri. Dlaqi Utux Baro we msuupu mtaqi dweewa seediq ma tmlaqi laqi laqi daha. Dlaqi nii we kiya ka niqan bale beyax ma seediq niqan ngayan cbeyo.

Kiya de wada meepah ka Noax da. Kana rnengo Utux Baro we wada na skkngalun qmeepah kana.

Rmengo Noax ka Utux Baro: “Meniq berah mu we, wada dehuk ka qnhdean kana muudus niqan heyi ma dara, ado dheya we ga stenge mttraqil. Tai, spuun mu smeeliq ka dheya ma dxeral nii.

Isu we geegi mkere ba qhuni ma smlei 1 asu su nanak. Ptyusi smalu nniqan ka truma na, rcuhi geluq ka kana truma ma nganguc asu.

Utux Baro we pooda doriq qmita bobo dxeral. Tai, ga mnaqah da. Ado noda daha kana muudus niqan heyi ma dara ga meniq bobo dxeral we naqah kana da.

Kana lmlamu camac niqan heyi we, ngali pnkingal kseedan, kiya de balas ma gipu posa truma asu. So maha mntena isu mpeniq knuudus daha.