ខគម្ពីរពេញនិយមពី Matie 7

ចែក​រំលែក

«An `srɛ, be ´fa man amun, an `kunndɛ, amun ´nyɛn, an `bobo, be ´tike amun anuan.

Afin sran kwlaa ng'ɔ srɛ like'n, be mɛn i, sran ng'ɔ kunndɛ like'n, ɔ nyɛn i, yɛ sran ng'ɔ bobo anuan'n, be tike.

«I sɔ'n ti, sran kwlaa ng'ɔ tie ndɛ nga n ´kɛn i yɛ'n nan ɔ fa su'n, ɔ ti kɛ ngwlɛlɛfuɛ b'ɔ kplɛnnin i sua yɛbuɛ su'n sa.

Like kwlaa nga an klo kɛ sran yo man amun'n, an `yo i kunngba sɔ'n man be, i yɛ ɔ ti Moiz mmla nin Nyanmiɛn nuan ijɔfuɛ'm be ndɛ nin-ɔn.»

Sanngɛ anuan nin atin nga be sin nun-ɔn be nyan nguan'n be ti kaan, yɛ be nga be kunndɛ be wun i'n, b'a sɔn-man .»

«An `sin anuan fii'n nun, afin sɛ be sin anuan tɛtrɛ'n nun'n, be kpɛn atin dan'n bɔ i awieliɛ ti nyrɛnnɛn'n nun, yɛ be nga be fa atin sɔ'n su'n, be sɔnnin.

Sɛ amun bɔ an ti sran tɛ'n, an fa like kpa cɛ amun mma mun'n, amun Si b'ɔ o nyanmiɛn su lɔ'n i kusu ɔ ´fa like kpa man be nga be srɛ i'n kpɛ blu.

«Nán an bu sran fɔ man Nyanmiɛn bu amun fɔ, afin fɔ kunngba nga an fa bu sran'n, yɛ Nyanmiɛn wa fa bu amun-ɔn, yɛ like nga an fa sunnzun sran'n, i kunngba sɔ'n yɛ Nyanmiɛn wa fa sunnzun amun-ɔn.

Sanngɛ sran ng'ɔ tie ndɛ nga n ´kɛn i yɛ'n b'ɔ fa-man su'n, ɔ ti kɛ sinnglinfuɛ b'ɔ kplɛnnin i sua'n aunnyan'n nun'n sa.

?Ɔ yo sɛ yɛ a wun wla'n b'ɔ o ɔ niaan i nyin su'n, sanngɛ a wun-man janvlɛ'n b'ɔ o ɔ bɔbɔ ɔ nyinma su nin-ɔn? ?Ɔ yo sɛ yɛ a se ɔ niaan kɛ: ‹Jran man n yi ɔ́ nyin su wla'n,› sanngɛ janvlɛ o ɔ bɔbɔ ɔ́ nyin su nin-ɔn?

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun . Be nzuɛn'n yɛ amun ´fa si be-ɔ. ?Be ti vinyi mma owie-owie nun? ?Be ti figie mma flɔn su?

I kunngba nin-ɔn, waka kpa kwlaa su mma kpakpa, sanngɛ waka b'ɔ ti-man kpa'n kusu ɔ su-man mma kpakpa.

Waka kpa'n ɔ kwla su-man mma tɛtɛ, yɛ waka b'ɔ ti-man kpa'n ɔ kwla su-man mma kpakpa.

Waka kwlaa b'ɔ su-man mma kpa'n, be ´kpɛ yi i sin nun.