ខគម្ពីរពេញនិយមពី Matie 6

ចែក​រំលែក

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

I sɔ'n ti, nán an koko ainman liɛ'n, afin ainman bɔbɔ yɛ ɔ ´kunndɛ i wun like-ɔ. Cɛn ba kun nun afɛ'n ɔ ju cɛn sɔ'n nun.»

I sɔ'n ti, n ´kan kle amun kɛ, nán an koko ninnge bɔ an lɛ-mɛn'n ti se kɛ: ‹?Nguɛ yɛ e ´di-ɔ? ?Nguɛ yɛ e ´nɔn-ɔn? Annzɛ, ?E ´nyan tannin nin yɛ e ´kla-a? ?Nguan ndɛ'n ti-man cinnjin tra-man aliɛ'n? ?Be wunnɛn'n ti-man kpa tra-man tannin?› »

Sanngɛ ɔ liɛ'n, kɛ a nin Nyanmiɛn amun ´koko yalɛ'n, wlu ɔ́ sua ba'n nun lɔ nyin anuan'n nan a nin ɔ Si b'ɔ o nvialiɛ nun'n amu'an ijɔ, yɛ ɔ́ Si b'ɔ wun nvialiɛ nun sa'n, ɔ wa yo wɔ mo.

I sɔ'n ti'n, amun liɛ'n, an `se kɛ: E si bɔ a o nyanmiɛn su lɔ'n, man sran'm be wun i wlɛ kɛ wɔ ngunmin yɛ a ti Nyanmiɛn nin-ɔn, man ɔ sielɛ blɛ'n ju, man e bɔ e wo asiɛ'n su wa'n e yo ɔ klun sa kɛ be bɔ be o nyanmiɛn su lɔ'n be yo'n sa.

Man ye aliɛ ng'ɔ ju ye ndɛ'n.

Yaci sa nga e yo wɔ'n cɛ e kɛ e yaci be bɔ be yo é tɛ'n be liɛ'n cɛ be'n sa.

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Sɛ an yaci sa nga sran'm be yo amun'n cɛ be'n, amún Si b'ɔ o nyanmiɛn su lɔ'n, i kusu ɔ ´yaci amun liɛ'n cɛ amun.

«An `nian anunman'm bɔ be tu sin'n, be gua-man awie, be kpɛ-man awie guɛ-mɛn i tanngannin nun, sanngɛ amún Si bɔ o nyanmiɛn su lɔ'n ɔ ta be. ?An ti-man kpa tra-man be?

«Nán an sie amun anwlɛn su ninnge'm be wa, afin nvɔlɛ nin annganblalɛ be saci be, yɛ awiefuɛ'm be bu anuan'n be wua asiɛ'n su wa. Sanngɛ an `sie amun anwlɛn su ninnge mun nyanmiɛn su lɔ, lɔ liɛ'n nvɔlɛ nin annganblalɛ be saci-man like, yɛ awiefuɛ'm be bu-man anuan'n be wua-man. Afin lika nga wɔ anwlɛn su ninnge'n wo lɛ'n, lɛ yɛ wɔ akunndan'n wo-ɔ.»

«Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

?Sɛ Nyanmiɛn yo ijre'n bɔ ndɛ ɔ o blo lɔ bɔ ainman be ´guɛ i sin nun'n i klanman kɛ nga sa'n, ɔ su kata-man amún wun sɔ kpɛ blu? ?An lafi-man Nyanmiɛn su?

Sanngɛ ɔ liɛ'n, sɛ a ´fa like man yalɛfuɛ'n, nán man ɔ́ sa bɛ'n si nga ɔ́ sa fama'n yo'n nan like nga a fa man yalɛfuɛ'n ɔ'a yo nvialiɛ nun, nan ɔ Si b'ɔ wun nvialiɛ nun sa'n ɔ'a yo wɔ mo.»

«An `nian amún wun nán an yo amún sa kpa bɔ Nyanmiɛn sulɛ'n ti yɛ an yo'n, sran'm be ti. Sɛ an yo sɔ'n, an su nyan-man like fi amun Si b'ɔ o nyanmiɛn su lɔ'n i sa nun.

«Sɛ amun ´kpɛ srɛ nun kɛ amun nin Nyanmiɛn amun ´koko yalɛ'n, nán an mlan amun nyrun kɛ dunman klofuɛ'm be yo'n sa, be yo bé wun fiɛn be fa kle sran mun kɛ be su kpɛ srɛ nun. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ . Sanngɛ ɔ liɛ'n, sɛ a ´kpɛ srɛ nun kɛ a nin Nyanmiɛn amun ´koko yalɛ'n, wunnzin, gua ɔ́ ti'n su parfɛn, toli nun nan ɔ'a yo-man kɛ a su fa ɔ́ wun kle sran mun kɛ a su kpɛ srɛ nun. Sanngɛ fa ɔ́ wun kle ɔ Si b'ɔ o nvialiɛ nun'n, yɛ ɔ Si b'ɔ si nvialiɛ nun sa mun'n, ɔ wa yo wɔ mo.»