ខគម្ពីរពេញនិយមពី San Mateo 13

ចែក​រំលែក

Jäts jä tëëmt juu yajkniijp oy naxkïx jääwe tyumu'ixep jä jaye juu t'amotenaxp jä Kunuukxtee kyets y'ayuuk jäts tpatun jäätse oy tëëmep, mokepx am tyëëma, iipx majk am jäts tuupx am jää tëëmt jyak niyuka.

Jä tëëmt juu naxketaakp yotspa akujk jawe tïp ku t'amotenäx jä Kunuukxtee kyets ayuuk, jäts jää jä winmaapy jä tuunk jä pëjk tsoj jun jyuukyat jää maayen tajen jä myëët jäts jä tsojken mëët jä jotkujken jää tsa win'ëënep. Nijum yë xä' yëë Kunuukxtee kyets y'ayuuk tka' tyajk tëëma.

Jää jaye juu t'amotenaxp jä kutujken kyets y'ayuuk jäts ka' twinmote, we'n jää ixu'n jä tëëmt juu tuu aay naxketaakp; jäts myëts jä winëëmpa jäts pïjka jä ayuuk juu ni'pan jäm jyaawen këxm.

Ja tëëmt juu naxketaakp tsa akujk jäwe tïp ku jä jaye t'amotenäx jä Kunuukxtee kyets y'ayuuk jäts wa'ts oy wa'ts tsuj tkupïjk, kum ka' mëjk y'aats tëjka, jäts ka' jä tïw ijt; ku kya yajkmeekx jä Kunuukxtee kyets y'ayuuk tkupet jäts tsyoontejk jä maayen tajen jäts tmajktsookne yë Kunuukxtee kyets y'ayuuk.

Jää kutujken juu jäm tsapjootm we'n jää ixu'n jä oro juu yu'ts ijtp jäp naaxjeetp. Wa'nit tujk jä ya'atyëjk tpaaty jä oro, jäts nay jää it tyutsko'me; wa'ts xiikna wa'ts xoontkna ojts nyayjawa, wa'nit nyijkx tyëjkjootm jäts nijum tookïx tijaty myëët, wa'nit tjuy jää it jä naax jäm juma jä oro.

Jäts jä juu ojts nyax'kuj oy naxkïx, ooye jää tsuj jä tyëëme; jäm winkex juu tëëme tujk mokepx pyajk, jäts winkex tuupx pyajk, jäts winkex iipx majk pyajk.

Jää oy ku xmajsojket jäts kipx yääket konem tyëëmat jä tsapmooky; wa'nit ëts nkaxet pën wyena tpëjkmujkep yë tsapmooky jää jayïp pyëjkmujktap jä ka oy ujts jäts tujk atsum jaty tpëmtat, jäts tyajktoytat, wa'nit tpëjkmujktat jä tsapmooky jäts tpëjkejktat juma y'apëjken.