ខគម្ពីរពេញនិយមពី Hechos 11

ចែក​រំលែក

A daa fa co̦lalönö, Adioquia jamö a ca̦i juu co̦oma. Lasha ai a lalou jaöo mlao däjä, Jesucristo ebä yododabä jamö showadi cäcöbö fa co̦cablonö, bluca bä yömölabödima. Ö̦jamö lä, Adioquia jamö, Jesucristo nija bä lä nocao wei ebä lä cui, Cristo bufilewä bä a̦fa jaba jilabomaje.

Ö̦jamö a fa co̦blalunö, Yai Bada tänö bä lä bayeliblaleno wei tä fa dalalönö, a bufi doblaloma. Ö̦jö däjä, abinaja bä nowa tama. —Bada tä nija showadi wamacö bufi bejedimou fe yadiobä, bä bufi yai da shaliliicu —Benabeinö bä nowa tama. Cama Benabei a dodijama. Yai Bada tä Bufinö a fa jödödöblalunö a showadi cadidoma. A bufi cadidilanö Jesucristo a nofi mölabou dodijioma. Ö̦jamö, Bada tä Jesús a fa bufiläjenö, cama nija bluca bä yädäblaliyoma.

’¿Ö̦jö tawä? —Pedro a cuma—. Bada tä Jesucristo bäma a lä bufiblaö wei bämacö lä cui, cama a Bufi ja, Yai Bada tänö bämalecö dobälalema. Inaja showawä, judio bä lä mlai bä ma cui, ö̦jö bä ca̦i dobäa mö fedua showalalema. Inaja bämalecö bluca taamaö fe usucuwä waiquiwä yalo, Yai Bada nija ya wa̦ läo bashiobä tä cuonomi, ¿ö̦jö tawä? —a cuma. Ö̦jö tä a̦ fa ji̦liläjenö, Pedro a bäyäblaö co̦daanomije. Yai Bada tä nofi yai doablamaje. Abinaja bä cuma. —Ja̦o. Judio bä ma mlai ma cui, ¡Yai Bada tänö bä nofi ca̦i bayeliblaö bufi doblao yai! Ö̦jö bä ma cui, bä bufi lädobä, Yai Bada tänö bä bufi malä jaducublamaleno wei, bä ba̦limiobä —bä cuma.