ខគម្ពីរពេញនិយមពី लुका 11

ចែក​រំលែក

ज़ै तम्हैं बूरै हई करै बी आपणैं शोहरू लै राम्बल़ी च़िज़ा दैई सका, तै थारअ स्वर्गे रहणैं आल़अ बाप्पू परमेशर आपणैं मांगणैं आल़ै लै पबित्र आत्मां किल्है निं दैई सकदअ।”

“हुंह बोला तम्हां लै कि मांगदै रहा लागी; तै जाणीं तम्हां सह गल्ल भेटी ज़ेता तम्हैं मांगा। दुआरा रहा टोकदै लागी और सह दुआर जाणअ तम्हां लै खुल्ही।

किल्हैकि ज़ुंण मांगा तेऊ लै हेरा दैई और ज़ुंण लोल़ा तेऊ जा भेटी। और ज़ुंण दुआरा टोका तेऊ लै हेरा दुआर खोल्ही।

ईशू बोलअ तिन्नां लै, “ज़ेभै तम्हैं प्राथणां करे, तम्हैं करै एऊ साबै प्राथणां, हे बाप्पू, सोभी लोल़ी तेरै पबित्र नांओंए कदर की और तेरअ राज़ लोल़ी आअ।

म्हारै पाप कर माफ, ज़ेही हाम्हैं बी होरी लै माफी छ़ाडी ज़ुंणी हाम्हां लै ज़ुल्म किऐ। हाम्हां निं परखी आथी।”

हर धैल़ै दै हाम्हां लै बैल़ी-क्लारी ज़ेते हाम्हां ज़रुरत आसा।

“तेरी देहीओ प्रैशअ आसा तेरी आछ। ज़ै तेरी आछ ठीक होए, तै हणीं तेरी सारी देही प्रैशी। पर ज़ै तेरी आछ खोईए तै हणीं तेरी सारी देही न्हैरी।

“लोग निं लाटू ज़ाल़ी करै पाटल़ै हेठै दाबी डाहंदै तेता डाहा उछ़टै दी ताकि सारै घरै प्रैशअ होए।