ខគម្ពីរពេញនិយមពី Tshibangidilu 15

ចែក​រំលែក

Abrame kuitaba bionsu bivua Maweja-Nangila mumuambile. Nanku Maweja-Nangila kujadika ne: Abrame mmuntu muakane.

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Maweja-Nangila kupatuka ne Abrame mu ntenta wende, umuambila ne: — Tangila mulu ne udi mua kubala mitotu idimu. Ke muikale bungi bua ndelanganyi yebe.

Maweja-Nangila kukolesha Abrame ku muoyi, umuambila ne: — Bintu biebe kabena babipiana kudi muena mudimu webe to. Nebishale anu kudi muana wa munda muebe.

Maweja-Nangila kuambila Abrame ne: — Umanye bimpe ne: ndelanganyi yebe neyisombe mu ditunga dia bende. Nebayikengeshe, ishale ku bupika bidimu nkama inayi.

Abrame kumukonka ne: — Maweja-Nangila Mvidi Mukulu wanyi, neumfute tshinyi? Meme tshiena mulele muana.

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Amu tunkanunuina tuebe tua tshikondu tshinayi netupingane mu ditunga edi kashidi. Bualu nengipate bena Amore anu pambamona ne bubi buabu budi bukengela dinyoka.