ខគម្ពីរពេញនិយមពី Matthew 22

ចែក​រំលែក

Na ɔsee no dɛ, Dɔ Ewuradze wo Nyankopɔn wɔ w’akoma nyina mu, nye wo kra nyina mu, nye w’adwen nyina mu. Iyi nye mbra no mu asɛm a odzi kan, na ɔso. Na dza otsia ebien no a ɔtse dɛ ɔno no nye dɛ, Dɔ wo nyɛnko dɛ wankasa woho.

Mbransɛm ebien yi do na mbra nye nkɔnhyɛfo no nyina gyinae.

Osiandɛ wɔafrɛ pii, naaso kakraabi na woeyi hɔn.

Na wunyan no mu, wɔnnwar eso wɔmma awar, na wɔtse dɛ Nyankopɔn abɔfoe wɔ sor.

Hom mfa towsika no mbɛkyerɛ me. Na wɔdze sika denare brɛɛ no. Na ɔsee hɔn dɛ, Woana no mfonyi nye n’akyerɛwee nye yi? Wɔsee dɛ, Kaesar dze a. Nna ɔsee hɔn dɛ, Ntsi hom ndan dza ɔyɛ Kaesar dze mma Kaesar, na dza ɔyɛ Nyankopɔn dze mma Nyankopɔn.