ខគម្ពីរពេញនិយមពី Utu 26

ចែក​រំលែក

Tama pamulima wa uyehe kwa lukumbi ndu, nene yati nivya pamonga na veve na yati nikumotisa. Muni yati nikupela veve na viveleku vyaku milima yeniyi yoha na yati nitimilisa chilapu chenamulagizili dadi waku Ibulahimu.

Yati nikupela chiveleku chechivya chamahele ngati ndondo za kunani kumahundi, na viveleku vyaku yati nikuvipela milima yeniyi yoha. Kupitila viveleku vyaku vandu voha va pamulima yati vimotisiwa. Yati nikukumotisa ndava Ibulahimu aniyidakili nene, akakita chenaganili na malagizu gangu pamonga na mihilu yangu.”

Kangi Isaka akahamba pandu pangi na akagima chiliva chingi. Chenicho vajovasini lepi, ndi Isaka akachikemela Leoboti akajova, “Hinu Bambu Chapanga atilekili fwasi, na tete yati tinekenala mumulima uwu.”

Bambu akamuhumila Isaka akamjovela, “Kotoka kuhamba ku Misili, nambu utama pamulima wenikujovelayi.

Ndi kwenuko Isaka akajenga pandu pa maganga akamuyupa Bambu Chapanga. Kangi kwenuko akajenga lindanda, na vavanda vaki vakagima chiliva.