ខគម្ពីរពេញនិយមពី EVASELIO A MALEKO 2

ចែក​រំលែក

I te logo a Sesu ki te mea aia, nee ina ui leva kia natou: E mole ko natou ae e haohaoa e aoga ki ai he toketa, kae ko te kau mahaki. Nee mole au hau o paui te kau agatonu, kae ko te kau agahala.

I te sio a Sesu ki tanatou tui, nee ina ui leva ki te tagata palalisia: Siaku fanau, kua fakamolemole au agahala.

Pea nee ina ui leva kia natou: Nee fakatuu te sapato ki te tagata, kae kailoa te tagata ki te sapato

Pea i tanatou mole feala ke kaku kia ia o tupu ko te hahai, nee natou avahi leva he pu i te ato o te fale o tuha tonu mo Sesu, pea nee natou hifoaki leva i te ava aia te palepale ae nee moe ai te tagata palalisia.

Kae, o tupu ke kotou iloi e mau e te Foha o te tagata i te kele te pule ke fakamolemole ai te u agahala: Pea nee ina ui leva ki te tagata palalisia: E au fakatotonu atu kia koe, tuu ki oluga, too tou palepale, pea ke alu ki tou api.

Kofea e faigafua age, i te ui ki te tagata palalisia: Kua fakamolemole au agahala, pe e ko te ui: Tuu ki oluga, too tou palepale, pea ke haele?

I te lakaga pe aia, nee tuu ake leva te tagata palalisia ki oluga, o too tona palepale, pea nee ulu leva ia ki fafo kae nofoaki te hahai fuli; nee natou ofolele fuli, pea nee natou fakakololia ki te Atua, o ui: Nee heeki matou sisio ki he mea fenei i he aho!