ខគម្ពីរពេញនិយមពី EVASELIO A MATEO 13

ចែក​រំលែក

Ko ae nee ina tali te pulapula i te kele lelei, ko ia ae e logo ki te folafola pea e mahino ki ai; e fua ia ia, pea ko he fuai pulapula e tahi e fua o teau, ko he tahi age o onogofulu, pea ko he tahi o tolugofulu.

Ko ae nee ina tali te pulapula i te u vao talatala, ko ia ae e fakalogo ki te folafola, kae ko te u hoha o te sekulo pea mo te u holi ki te u koloa e natou pupunu te folafola aia, ke aua naa fua.

Ka logo he tagata ki te folafola o te puleaga pea e mole mahino ia ia ki ai, e hau te pule kovi o too te mea ae nee nunusi i tona loto: ko te tagata aena ko ia ae nee ina tali te pulapula i te u tafatafa o te ala.

Ko ae nee ina tali te pulapula i te u kogamea makamaka, ko ia ae e fakalogo ki te folafola, pea e ina tali vave ia ia mo te fiafia; kae e mole ina mau ni aka ia ia totonu, e pipiki ia ia i he kii temi noa, pea ka hoko mai he mamahi pee ko he fakataga o tupu ko te folafola, e ina mau i ai he faigamalie ke higa.

E toe fakatatau foki te puleaga o te atu lagi ki he koloa nee fufu i he gaueaga. Ko te tagata ae nee ina mau ia ia e ina fufu ia ia; pea, i tona fiafia, e alu ia ia o fakatau te u mea fuli nee ina mau, pea e ina totogi te gaueaga aia.

Nee maluku leva he tahi potu ki te kele lelei: nee fua ia ia, ko te foi pulapula e tahi nee teau, ko te tahi age nee onogofulu, pea ko te tahi nee tolugofulu.

Kotou tuku ke na hohomo fakatahi o kaku ki te temi ae e na matutua ai, pea, i te temi tuusi o te fulumeto, e au ui anai ki te kau tuusi fulumeto: Kotou taaki mua te sisania, o haihai ia ia fakafuhiga ke tutu, kae kotou tanaki te fulumeto ki toku fata.