ខគម្ពីរពេញនិយមពី Uluaki tohi a Paulo ki te kau KOLINITO 15

ចែក​រំលែក

Koia, oku tehina ofaina, ke kotou tuu malohi mo taofi mau, pea ke kotou kataki aipe i te gaue ke asilisili lelei ki te Aliki, o kotou iloi e mole alunoa anai takotou gaue i te Aliki.

Kae ke tuku te fakafetai ki te Atua, ae e ina foaki mai kia tatou te malo i totatou Aliki ko Sesu-Kilisito!

Aua naa kotou faihala: E maumaui e te u kaumea kovi te u agalelei.

Kae aki te kalasia o te Atua, kua au liliu o fenei, pea nee mole tonoa tona kalasia kia au, mamao osi, nee au gaue lahi age ia natou fuli, kae nee mole ko au toko tahi, kae ko te kalasia o te Atua ia au.

Oi mate, e ifea tou malo? Oi mate e ifea tou malohi? Ko te pule o te mate ko te agahala, pea ko te malohi o te agahala ko te lao.

Koeni, e au fakaha atu kia koutou he misitelio: E mole tou mamate fuli anai, kae e tou fetogi fuli anai, i he temi e tahi, i te kemo o te mata, i te pupuhi o te fakatagi fakamuli. E tagi leva te fakatagi pupuhi, pea e toe tuuake anai te kau mate i ni sino hee pala, pea ko tatou, e tou fetogi anai.

Koteuhi nee hau te mate mai he tagata e tahi, pea nee hau foki te toe tuuake mai he tagata e tahi. Pea nee mamate te u tagata fuli ia Atama, e tatau foki, e mauli anai te u tagata fuli ia Kilisito

Koteuhi e tonu ke kofu e te sino pala aeni te hee pala, pea ke kofu e te sino mate aeni te mauli heegata.

Koteuhi e tonu ke pule ia o kaku ki tana tuku ona fili fuli ki lalo o ona vae. Ko te fili fakamuli e maumaui anai, ko te mate.