ខគម្ពីរពេញនិយមពី VA ROMA 6

ចែក​រំលែក

Momo onima yekandu okufa, puãi ocali ca eciwa la Suku oco omuenyo ko pui vu Kristu Yesu Ñala yetu.

Momo, omo ka vu tiamela kovihandeleko te kocali, oco ekandu ka liu viali vali.

Oco tua kendiwila kumue laye omo tua papatisiwila vokufa kuaye, okuti, ndeci Kristu a pinduiwa kuava va fa lulamba wa Tate, haico etu tu endaenda lomuenyo wokaliye.

Ndaño ovimatamata viene ko ka vi eci kekandu ndovimaleho vievĩho, puãi ene lieci ku Suku ndava va pinduiwa kokufa yu va kasi lomuenyo. Ovimatamata viene vi eci ku Suku ndovimaleho viesunga.

Tua kũlĩha okuti omunu wetu wale wa valeliwila kekulusu kumue laye oku nyõla etimba liekandu, okuti ka tu lingi vali apika vekandu

Haico ene, limbuki okuti kekandu wa fi, puãi omuenyo vu kasi lawo vu Kristu Yesu u tiama ku Suku.

Nda oco, tu popia ndati? Tu kala ño-o hũ loku linga akandu okuti oco ocali ci supoke? Oco hacoko. Etu tua fa ale koku linga akandu, vekandu hẽ tu kalamo vali ndati lomuenyo?

Ka wa kũlĩhili he okuti, nda wa litumbiki ku-umue ha vu lingi apika va pokola, wapika muẽle vu vu pokola kokuaye, ci kale oku litumbika kekandu U loña kokufa, ci kale oku litumbika kepokolo li loña kesunga?

Puãi, pandu pandu ku Suku, omo ene wa kaili apika vekandu, cilo haene vu pokola kovilongua ndeci wa likuminyi, lepokolo liene li tunda ocili kovitima. Wa yovuiwi kakandu kuenje wa lingi apika va vumba vesunga.