ខគម្ពីរពេញនិយមពី Luka 6

ចែក​រំលែក

Nyusha antu, ku wayunyusha. Wayunyusha yediko yʼololo, yokokomadi, yushikishami, yatshulotshulo lu tulu yanyu; ne dia wayunyedikela la yediko yakanyawaedikela.

Untu ololo atutundjaka kene keli ololo uma lu eumbelu kʼololo kʼuma lʼutema andi. Untu a kolo atutundjaka kene keli kolo uma lu eumbelu kandi ka kolo; ne dia unyo andi atoteketaka akambu wa lʼutema.

Nyuki atunyi anyu ngandji, nyatsheli ololo, nyasondja diango, aha la elungamelu ka vo nyukaluya, okone difutu dianyu diayuyala efula, ndu nyayuyala ana wa KhumʼUlungu; ne dia ndi eko la memakana le wane wahuki lusaka ndu le antu wa kolo.

Nyuyali la ketshi uku eli Shenyu la ketshi.

Tanyalaki akambu wʼantu, watukalaka akambu anvu; tanyamiaki antu, watukunyamia. Nyudimanyiya antu kolo, ku wayunyudimanyia.

Keli dimi lambunyutela, nyu wane wuka, nti: Nyulangi atunyi anyu, nyutsheli wane wanyuhetsha ololo. Nyotshokole wane watunyudjaka mananu; nyolombeli wane watunyotengaka.

Nyutsheli antu uku alanganyu vo nyutshela.

Naka untu ayukokomola lu tama dimotshi, kuwingisweli ndu dikina. Naka untu ayukokosola koti, tosekaki mbusha ndu ukutu aye. Usha untu tshe lakolomba. Lamʼakokosola untu diango diaye, tudilombaki ntu.

Nduku utamba wʼololo atotokaka elua a kolo; ndu nduku utamba a kolo atotokaka elua wʼololo.

Utamba tshe wambeyama uma lʼelua awo. Nduku untu latumbaka elua wa fingu uma lu atende, kuyanga nkohola sandji diʼelua wʼekodi lu dikumbu diʼatende.