ខគម្ពីរពេញនិយមពី Luka 5

ចែក​រំលែក

Lamʼakandakumiya nteketa, ndi akatela Simona ati: Mosemiya watu utsha lu dingunda, nyukitshakitsha tei yanyu, keli nyokoke nsi.

Simona akûkaluya diui ati: Uwandji, shu takatshi ulimu utshu tshe, hatundji nduku engo. Keli layukitshakitsha tei ne dia diui diaye. Lamʼakawatshi osoku, vo wakandi nsi efula, ku tei yakate.

Keli ndi akatshokaka ndame lʼesui wa tosenga, akatolombaka Unyashungu.

Dimi kundja dia ndjeta antu wʼololo, lakayi dia ndjeta antu wa kolo, dia vo nkadimula etema.

Keli lamʼakenyi Simona Petero dikambu so, ndi akayakosha lʼekulu wa Jesu. Ndi akati ati: Khumadiondjo, umo uma le mi, ne dia untu a kolo kemi.

Jesu akâkaluya diui ati: Akanga a wulu hawuhumbi wetshi, paka akanga a hemo.

Lamʼakawayi la watu awo lʼumamu, vo wakatshiki tshe, wakuyeli.

Lamʼaki Jesu lʼusumba omotshi, enda, untu aki leko laki la sudi dimba tshe. Lamʼakandenyi Jesu, ndi akayakosha ekhukhumadi; akosengasenga ati: Khumadiondjo, naka we alanga, we mbeyaka nkonoyami. Ku ndi akasimtula lunya, akawunanda; akati ati: Dimi nangaka, okono. Kemʼedja sudi kakashili.

Keli lukumu landi lakaleki nyangana. Elui a waki wʼantu wakamote dia ndjuka aui andi, la dia ndjokono lu hemo yawo.