ខគម្ពីរពេញនិយមពី kolinto 1 13

ចែក​រំលែក

'e himngonghi la nona'o buveici, ma'cocacni; hoci yaa himngonghi o'ate smo'eubut'u, o'ate etano, o'ate bitano, o'ate 'aʉnpʉnpʉ na hi'hioa, o'ate kiala, o'ate masʉ'no, o'ate talʉa na peis'epo no mocmo.

'e himngonghi lasi paiemʉhi 'e acʉcʉhʉ, la yaa singkoo ta acʉcʉhʉ, la yaa ta'usni ta acʉcʉhʉ, peelʉi uveica 'e acʉcʉhʉ.

la himkuzo no 'oha moulʉlʉ, lac'o himkaebʉ no so'emio.

at'inghi, 'e singkoo, ta'usni, ho i'e himngonghi, 'emo tuyu te 'auesiesi nongaco, ta taicosi namo sotva'esa zou himngonghi.

zou 'auesiesi 'e himngonghi. 'e tonʉ no eʉsvʉsvʉtʉ lac'o akameosʉ; 'e mengumi no epiepiya tena yaa hiesi no aepʉngʉ; 'e mau'to'tohʉngʉ te maezo sucaefi.

'upena hoci'u meelʉ tamo mav'ov'o ci e'e ta yatatiskova, ac'ʉhʉ no e'e no tensi, hoci uk'a himngonghi, 'e e'e'u teec'o mais'a 'ola ptaʉngʉ ci lungu ho i'ola moengʉ ci lingi.

hoci'ueno yaa tonʉ no meemealʉ eʉsvʉsvʉtʉ, a'vinano yaeza hʉh'ʉti 'e mav'ov'o ci mau'to'tohʉngʉ, mav'ov'o ci moumsʉ'eonʉ, ac'ʉhʉ no yaa mahtʉicʉ ci singkoo ho peelʉi soezuha 'e hcuyu ho hoyuha ne etʉpʉ, hoci uk'a himngonghi, uk'a ci tesi nama a'a'ausna.

hoci'ueno acʉha faeni no mocmo na acʉcʉhʉ ci ezoezoyʉ'u, ac'ʉha no faeni 'e feango'u ho poa hmoeni no mocmo, hoci uk'a himngonghi, 'e os'o hioa tec'o uk'a koa ʉmnʉ.

ne mo'un'a oko, la mais'a oko 'e pat'a'ausna'u, mais'a oko 'e yu'ausna'u, i'ola hia ma'to'tohʉngʉ mioc'o mais'a oko. mi'ocu yʉepʉngi maitan'e, os'ocu acʉha teongasi 'emo peis'o'oko ci hi'hioa.