ខគម្ពីរពេញនិយមពី kolinto 1 12

ចែក​រំលែក

akoeva no acʉha poa mayo no ʉmnʉsi. 'o seilei homo yonta feango tamo macicihi, mo maezo mav'ov'o na isi epa'teni.

na muu zou feango to kilisto, 'emo macicihi ci cou zou acʉhʉ maesoesou.

hoci 'atutumzo 'emo conci esou, 'e afu'u maesoesou te acʉhʉ 'atutumzo; hoci psoevohngʉ 'emo conci esou, 'e afu'u maesoesou te acʉhʉ kokaekabʉ.

'o seilei isi pafi no moutʉs'ʉ ci e'e 'emo cihi, totiski ci seilei isi pafi no mau'to'tohʉngʉ ci e'e 'emo h'unasi ci cou. totiski ci seilei isi pafi no singkoo 'emo cihi ci cou, pafi no tonʉ no aotothomʉ 'emo h'unasi ci cou. 'o seilei isi pafeni ta cou tan'e na tonʉ no po'e, pafeni ta cou ta'e na mengumi no meemealʉ evaho no e'e to hamo, pafeni nomo cihi na tonʉ no bohbohngʉ no moipiepiya, isi faeni tamo h'unasi na tonʉ no epiepiya, isi i'vaha faeni tamo cihi na tonʉ no evaho tamo epiepiya.

at'inghi, 'e acʉcʉhʉ eni mo i'mi tomo totiski ho aʉlʉc'o cihi ci seilei, isi ieni no iachisi 'tohʉngʉ, pafeni ta macicihi 'emo mav'ov'o ci mengumi.

ko'ko poa o'te apopaevai 'e cono feango, 'emo mav'ov'o ci maesoesou te meelʉ yupa aʉt'ʉt'ʉcʉ.

mo mav'ov'o na mengumi. at'inghi isic'o acʉha pafeni tamo cihi ci seilei; mo mav'ov'o na fifiho. at'inghi isic'o pafeni tomo cihi ci nooe'oca; mo mav'ov'o 'ola hioa. at'inghi isi pafeni to moc'o cihi ci hamo na tonʉ no yaahioa.

ta 'ayumona ta kiokai, isi acʉha poa elʉ note hioa 'emo macicihi; i'o isi sotoyangza: 'emo coni zou sitoo, 'emo yuso zou eyongensa, 'emo tuyu zou lema'cohio; acnguhusi zou la meelʉ peispopo'e, acnguhusi, la yaa tonʉ no aotothomʉ. i'olac'u meemealʉ to'usnu to mocmo ci cou; 'ola meemealʉ tmasusuce to hi'hioa, i'ola meelʉ epiepiya.

'e feango o'amoc'o anou conci esou, mamo i'mi tamo man'i ci esou hocu meelʉ feango.

apuyu, i'ola mais'a mo yoz'u ta maesoesou, la h'unano kuzo hoci uk'a.

hocic'o aucunu mcoo 'e feango, teeno meelʉ tmalʉ? hoci aucunu koyu 'e feango, teeno ahtu e'hongʉ? ko'koeno, 'o hamo isi ieni no iachisi 'tohʉngʉ ho siya ta feango 'emo o'te totiski ci maesoesou. 'e aucunu ci feango hocic'o conci esou, teeno tamza no feango?