ខគម្ពីរពេញនិយមពី Galaatiya 6

ចែក​រំលែក

Uus inno haaggi inno yeello kaꞌharin giꞌde. A mehe chiꞌinno ajjibaat ikhaatin, maane a tamiit, ti inno gurnaan ꞌhello.

Maantaka, maambaaw inno jitoo ꞌhelle, enenyet tuumman haag iyeello. Kach ka la, ꞌdooꞌdassi Kiriisto rummeeste haag iyeello.

Huleesi jiro eti addan fuulo isleeokkhicha. Iꞌdaas ka amur Kiriisto a buuhissaan.

Iisekkeysanna, et Waakh ekkeesti mele. Ebba ilinti us gosiis goya kachibe on gurnaankiche gurta.

Eti wihi uuriis goya kijiro uskeel imoono kahamaadicho on yeelo, iꞌdi ilinti gos lagessuu gurnaanki us uskeelaas kaꞌhelo, a baabakki usu labaabiicho. Iꞌdaasenyi eti wihi us yeelo, wihi Rubeyti Munyee kahamaadicho yahiin, iꞌdi ilinti gos lagessuu, gurnaanki jiroti imassanne Rubeyti Munyee kaꞌhela.

ꞌDooꞌd Kiriistokaaw, chiꞌ etoo uskeel yeele, atinhi Rubeyti Munyee atin woyto samacchaar jiti haaggan isoolaaba. Iꞌdaasenyi ebba a isyaakhicho uus kajmeti uskeel kaluguꞌddo khaatine.

A mehe chiꞌ etoo wohoo iskoogyahe, ꞌdeerka us etoo addan igargaarin, iꞌdaas ka a isekkeesta, jeenteti us wohoo ieheynan u. Ebba wihi us yeelo a fiiricho, a iskeeylajo, uus etoo addan iskeekkaanne. A mehe ebba keley on huleesiis siꞌda.