ខគម្ពីរពេញនិយមពី Galaatiya 5

ចែក​រំលែក

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo, samacchaar ichoow isjeyin. Amur wahanyeyyoha ꞌdiiꞌddan mele.

Wihi an eldi kallaayo, taba jiroti Rubeyti Munyee woyto jira, iꞌda ka la wihi uurassiin goya kijiro uskeel imoono ma raahtaan.

Jiroti inno jirro toolla Rubeyti Munyeenye kajirra gone, jiroteen ichoow Rubeyti Munyee a israaheen giꞌde.

ꞌDooꞌdi koo Yeesso Kiriistee wihi uurassicho goya kijiro uskeel imoono ichoow uskeeli lamaanjeerti ba massalaaba a kasoorriyyoocheen.

Wahanyeyyohi wihi uurasseen goya kijiro uskeel imoono yeelaan a ꞌdow on. Waha a iꞌdi maanta ꞌdooꞌdi isidisanne isleeurꞌdo, wihi biꞌdire, sohoꞌddarri, iyookkoyyohi waakkhakh lakayeessi, moroyyohi liirti, isꞌdiiꞌddo, isjihit, inaaf, dowwa hollowin, walah keley isiyowan, seley goggoonaan, rabitohi lakaaggowo, kalꞌdarri, meleefu ichoow daawohi biꞌdire ichoow wihi iꞌdaase tuumman. Orey a atin tootooche, toro maanta a atin tootoocha, ꞌdooꞌdi jiroti iꞌdee jiro, dakhi Waakh ma gelo.

ꞌDooꞌd Kiriistokaaw, Waakh furnaanki us atin soofuro iche atin iwahe gone, atin bowꞌdayyohi amurre mee. Iꞌdaasenyi furnaankaas akagirꞌdaamina, wihi uurassiin goya kijiro uskeel imoono araahina, taba ꞌdooninti atin isikhabtaan ka isifala.

A mehe wihi uuraas goya kijiro uskeel imoono, Rubeyti Munyee a tirrimaane, wihi Rubeyti Munyee ꞌdoonto la, wihi uuraas goya kijiro uskeel imoono a tirrimaan. Icho a istirrimaane, ꞌdeerka wihi haaggane atin yeelin ꞌdoontaan ma yeessaan.

Amurre Muusa tuumman yeeda kalday on kakulanta, “Ollokkaah geeddi at isꞌdoonto ꞌdoon.”

Uus inno eylaji beenaate ilmarhaatteet khabine ommos iskaahholloonne ommos isinaafin.

Kiriisto a inno soofure, maantaka uus inno bowꞌda itaahan. Mujjum tolola giꞌde, toro la huleesi bowꞌda uus atin lakorin.