ខគម្ពីរពេញនិយមពី MARKO 13

ចែក​រំលែក

Nenyo mchamenywa ni wandu wose kwa wundu ghwa irina japo. Ela uo urumaghiagha hata kutua, nuo moni uchaakia.”

Manyenyi mchereshe, angu kimu charo ndemchimanyire chichakaia lii anduangi.

Nao kasikira mwawadwa na kushitakilwa, msakeja wasi kiimbiri wei mchaghora wada, ela iro muchaanekwa kughora kwa ija ngelo cheni, niro reni, righorenyi; angu si inyo mghoragha anduangi, ela ni Roho Mweli ughoragha.

Mlungunyi na ndoenyi kuchaida, ela madedo ghapo ndeghichaaida anduangi.”

“Ela ituku na saa iyo, mndungi ndeimanyagha anduangi, hata weke malaika wiko mlungunyi, hata Mwana; ela uja Aba nuo uichi.

Hata iji mwasikira wuda na wuvoro ghwa wuda, msakeobua, angu suti maza iri rikaie; ela kuja kutua ndekulighisire kande anduangi.

Kwa huwo chereshenyi, angu ndemmanyire ni lii uchaacha uja bwana wa nyumba anduangi; ngera ni luma lwa kenyi, angu kio ghadi, angu njogholo ikideda, angu luma lwa nakesho; usechemtukira na kumkua mwalala. Na seji nimzeragha inyo, nawizera wose: Chereshenyi!”

Angu mbari ichawuka kulwa na mbari na wuzuri ghuchawuka kulwa na wuzuri. Kuchakaia na misughusiko andu kuzima-kuzima na njala. Ela maza iri ni sa kuzoya kulumwa kwa kuva.

Ela imbiri ya iro, suti Ilagho Jiboie jichilo kwa mbari rose.

Wengi wichacha wikitumia irina japo wikighamba, ‘Ini nuo moni;’ nawo wichalaghasha wengi.

“Ela manyenyi mkulindie inyo mmbeni, angu wandu wichamfunya mandunyi, na kumkaba andenyi ya masunagogi. Mchakaia kimusi imbiri ya wabonyi nguma na wazuri kwa wundu ghwapo, mpate kuwishuhudia.

Angu wichawuka weke Kristo wa tee, na walodi wa tee; wichawonyera wandu alama na mashiniko, kwa kuwilaghasha; hata ngera kudimika, na waja wasaghulwa wori.

“Ela matuku agho, nyuma ya matiriro, iruwa jichawuya kira, na mori ndeghuchaafunya miengere yaro anduangi. Nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.