ខគម្ពីរពេញនិយមពី އެފޭސުސްގެ މަސީޙީންނަށް ސިޓީ 6

ចែក​រំលែក

އަހަރެމެން ހަނގުރާމަ ކުރަމުން މިގެންދަނީ މަހާއި ލެއިން އެކުލެވޭ އަދާވާތްތެރިންނަކާއެއް ނޫނެވެ. އެއީ ނުފެންނަ ދުނިޔެއެކެވެ. އަހަރެމެން ހަނގުރާމަ ކުރަނީ އެއަނދިރި ދުނިޔޭގެ ޝައިތާނީ ވެރިންތަކާއި ބާރުވެރިންނާއި އުޑުތަކުގައިވާ ނުބައިވެގެންވީ ގަދަފަދަބާރުތަކާއި ރޫޙުތަކާ ދެކޮޅަށް ވެސް މެއެވެ.

ކޮންމެ ވަގުތެއްގައްޔާއި އަދި ކޮންމެ މުނާސަބަތެއްގައިމެ މާތްރަސްކަލާނގެ މާތްރޫޙުފުޅުގެ ބާރުން ދުޢާ ކުރާށެވެ. އަދި އެންމެހާ މަސީޙީންނަށް ދުޢާ ކުރުމުގައި ދެމިތިބޭށެވެ. ތިޔަބައިމީހުން ދުޢާކުރާ ހިނދު ސަމާލުވާށެވެ.

މާތްރަސްކަލާނގެ ދެއްވި ފުރިހަމަ ދަހަނާ އަޅާށެވެ. އޭރުން ޝައިތާނާގެ މަކަރުވެރި ނުބައި ރޭވުންތަކާއި ދެކޮޅަށް ތެދުވެ ސާބިތުވެ ތިބުމުގެ ކުޅަދާނަކަން ތިޔަބައިމީހުންނަށް ލިބިދޭނެއެވެ.

އެހެންވީމާ، މިހިނދުގައި ވިޔަސް މާތްރަސްކަލާނގެ ދެއްވި ފުރިހަމަ ދަހަނާ އަޅާށެވެ! އޭރުން ޝައިތާނާގެ ޙަމަލާ އަންނަ ދުވަހުގައި ދިފާޢު ކުރުމުގެ ކުޅަދާނަކަން ލިބި އެގޮތުގައި ހުރިހައި ކަމެއް ކޮށް ނިމިގެން ތިޔަބައިމީހުންނަށް ސާބިތުވެ ތިބެވޭނެއެވެ.

މީގެ އިތުރުން އެންމެހާ ވަގުތުތަކުގައި އީމާންތެރިކަން އައްޑަނައިގެ ގޮތުގައި އުފުލާށެވެ. ޝައިތާނާ ދެމުންގެންދާ އަލިފާން ތީރުގެ ކޮންމެ ޙަމަލާއެއް ދިފާޢުކުރުމުގެ ކުޅަދާނަކަން އެ އައްޑަނައިން ލިބިދޭނެއެވެ. އަދި ދިންނެވުމަކީ ތިޔަބައިމީހުންގެ ބޮލުގައި ހެލްމެޓެއް ފަދައިން އަޅާށެވެ. މާތްރަސްކަލާނގެ ބަސްފުޅުގެ ބޭނުންކުރާށެވެ. އެބަސްފުޅަކީ ތިޔަބައިމީހުންނަށް މާތްރަސްކަލާނގެ މާތްރޫޙުފުޅުން ލިބިދެއްވާ ކަނޑިއެއް ފަދައެވެ.

ތެދުވެރިކަން ތިޔަބައިމީހުން އުނަގަނޑުގައި ކަމަރެއް ފަދައިން އަޅައިގެން ތައްޔާރުވެ ތިބޭށެވެ. އަދި ޞާލިޙުކަން ތިޔަބައިމީހުންގެ މޭމަތި ރައްކާތެރިކޮށްދޭ ދަހަނާއެއް ފަދައިން އަޅާށެވެ. ދެން ތިޔަބައިމީހުން ހެޔޮޚަބަރުފުޅުން ގެނެސްދޭ ސުލްޙަ މަސަލަސްކަމުގެ ފައިވާނަށް އަރާށެވެ. އޭރުން ތިޔަބައިމީހުން ތިބޭނީ އެޚަބަރުފުޅު ގެނެސްދިނުމަށް ފުރިހަމަޔަށް ތައްޔާރުވެފައެވެ.

އަހަރެން ތިޔަބައިމީހުންނަށް ބުނާ ފަހުބަހަކީ މިއީއެވެ. މާތްސާހިބާއާ ގުޅިފައިވެ އެކަލޭގެފާނުގެ ހަކަތައިން ތިޔަބައިމީހުން ބާރުހޯދާށެވެ.

މާތްރަސްކަލާނގެ ބާވައިލެއްވި ދިހަ އަމުރުފުޅުގެ ތެރެއިން އެކަލާނގެ އެންމެ ފުރަތަމައިން ވަޢުދުފުޅަކާއި އެކުގައި ވަޙީ ކުރެއްވި އަމުރުފުޅަކީ ”⁠ތިޔަބައިމީހުންގެ މައިންނާއި އަދި ބަފައިންނަށް ކިޔަމަންތެރިވާށޭ. އަދި އޭރުން ތިޔަބައިމީހުން އުފާ ފާގަތި ކަމާއެކު ދިގުޢުމުރެއްގައިވާނޭ.⁠“ މި އަމުރުފުޅެވެ.

ކުދިންނޭވެ. މާތްސާހިބާ އެދިވޮޑިގަންނަވާ ފަދައިން ދަރިން މައިންބަފައިންނަށް ކިޔަމަންތެރިވާށެވެ. ކަލޭމެން ކަންތައް ކުރަންވާ ރަނގަޅު ގޮތަކީ މިއީއެވެ.