ខគម្ពីរពេញនិយមពី Matthew 7

ចែក​រំលែក

“natotamāhk kisē-manitow ēkosi kika-miyikowāw. ēkwa natonikēk ēkosi kika-miskēnāwāw. pakamahikēk iskwāhtēmihk ēkosi kika-yōhtēnamākawināwāw.

ayisk awiyak ē‑natotamāt kita-miyāw, ēkwa awiyak ē‑natonahk kīkway kita-miskam ēkwa kita-yōhtēnamawāw iskwāhtēm awiyak kā‑pakamahikēt.

“ēkwa awiyak pēhtahki ōhi nipīkiskwēwina mīna pimitisahahki ēwako tāpiskōc ana nāpēw kā‑iyinīsit ēkwa ē‑wāskāhikanīhkēt tahkohc itē kā‑asinīwahk.

“tōtāhkok kotakak ayisiyiniwak kā‑isi-nitawēyimāyēkok kita-tōtākoyēkok: cikēmā ēwako ōma ohci ē‑pimitisahamēk kahkiyaw wiyasiwēwin kā‑kī-mēkit Moses ēkwa kā‑kī-kiskinohamākēcik okiskiwēhikēwak.

māka anima iskwāhtēmihkān pimātisiwinihk kā‑itamok sākawāw, ēkwa mēskanaw āyiman kita-pimohtēhk, ēkwa namōya mihcēt ayisiyiniwak miskamwak.

“pīhtikwēk anima kā‑sākawāk iskwāhtēmihkān, misiwanātisiwinihk ayisk itamonwa iskwāhtēmihkān kā‑ayakaskāk ēkwa mēskanaw kā‑wētahk ta‑pimohtēhk, ēkwa mihcēt sāpohtēwak.

āta ē‑maci-ayiwiyēk kikiskēyihtēnāwāw miyo-kīkway kita-miyāyēkok kitawāsimisiwāwak. kisē-manitow, kohtāwīwāw ayiwāk ē‑miywātisit kita-miyēw miyo-kīkway anihi kā‑natotamākot.

“ēkāya wiyasiwātihkok kotakak ayisiyiniwak, ēkosi kisē-manitow namōya kika-wiyasiwātik, ayisk kisē-manitow kika-wiyasiwātik pēyakwan kā‑isi-wiyasiwātacik kotakak ayisiyiniwak.

“māka awiyak ē‑pēhtahk ōhi nipīkiskwēwina ēkwa sasīpihtam ēwako tāpiskōc ana nāpēw kā‑mōhcowit ēkwa ē‑wāskāhikanīhkēt tahkohc yēkawiskāhk.

tānēhki kā‑pisiskāpahtaman kiciwām anima kā‑pisinit ēkwa ēkāya ē‑pisiskēyihtaman anima mistik kā‑pisiniyan? tānisi ōma kā‑kī-itat kiciwām, ‘mahti nika-otinēn anima kā‑pisiniyan,’ kiya ōma mistik kā‑pisiniyan?

“aswēyimihkok aniki kā‑kiyāskicik ē‑kiskiwēhamākēcik; mahihkanak ayisk aniki, ē‑pē-misiwanācihikoyēkok, māka aniki ē‑isīhisocik māyatihkwa ē‑isinākosicik. otōtamowiniwāwa kika-ohci-kiskēyimāwāwak tānisi ē‑isiyinīhkēcik. pēyakwan, kikiskēyihtēnāwāw namwāc ē‑ohpikicik okāminakasīwāhtikohk kā‑mawisohk sōminak, ēkwa mīna namwāc okinīwāhtikohk kā‑mawisohk misi-sōmina.

ē‑miyokit mistik miyo-mīnisiwiw, māka kā‑māyikit mistik māyi-mīnisiwiw.

ē‑miyokit mistik namōya ta‑kī-māyi-mīnisiwiw, ēkwa ē‑māyikit mistik namōya ta‑kī-miyo-mīnisiwiw.

ēkwa ayisiyiniwak kīskatahwēwak anihi mistikwa ēkāya kā‑mīnisiwiyit ēkwa mēstihkaswēwak.