ខគម្ពីរពេញនិយមពី Matthew 6

ចែក​រំលែក

māka nākatohkēk nīkān otipēyihcikēwin kisē-manitow mīna ē‑isi-nitawēyimisk kita-tōtaman, ēkosi kahkiyaw kīkwaya ōhi kika-ohcīstamāk.

ēkāya mikoskātēyihtamok tānisi kita-ispayik wāpahki, ēkwayikohk ihtakwan kita-mikoskātēyihtamihikoyēk ēkospīhk. tahto kīsikāw ēkwayikohk ihtakwan kita-mākohikoyēk.

“ēwako ohci kā‑ititakok, ēkāya mikoskātēyihtamok kīkway kā‑mīciyēk ēkwa kīkway kā‑minihkwēyēk ka‑pimātisiyēk, ahpō kīkway kita-kikiskamēk. namōya cī nawac pimātisiwin ayiwāk itēyihtākwan ispīhci mīciwin? namōya cī ayiwāk itēyihtākwan kiyaw ispīhci ayiwinisa?

māka kiyawāw ayamihāyēko pēyakok kiwāskāhikaniwāhk, kipaha iskwāhtēm ēkwa ayamihēstaw kohtāwiy, ēkāya kā‑wāpamiht. ēkosi kohtāwīwāw kā‑wāpamikoyēk tānisi ē‑tōtamēk ākawāyihk kika-tipahamākowāw.

ōmisi māka isi ayamihāk: nohtāwīnān, ē‑ayāyan kihci-kīsikohk, kita-wī-kihcēyihtākwan kiwīhowin. mahti ta‑wī-otihcipayiw kitipēyihcikēwin. kititēyihtamowin kita-wī-tōcikātēw, ōta askīhk tāpiskōc kihci-kīsikohk.

miyinān anohc kā‑kīsikāk ka‑ohci-pimātisiyāhk.

ēkwa pōnēyihtamawinān niwanitōtamowinināna, tāpiskōc nīstanān kā‑isi-pōnēyihtamawāyāhkok aniki kā‑wanitōtākoyāhkok.

ēkāwiya pakitininān kita-wī-kakwē-māyi-tōtamōhikawiyāhk. māka paspīhinān maci-kīkway ohci.

“ayisk kīspin kipōnēyihtamawāwāwak ayisiyiniwak kā‑wanitōtākoyēkok, kohtāwīwāw kihci-kīsikohk kā‑ayāt wīsta kika-pōnēyihtamākowāw.

kitāpamihkok piyēsīsak, namwāc kistikēwak ahpō cī namwāc mōsāhkinikēwak ēkwa kita-itāwahācik kistikānikamikohk, ayisk ohtāwīwāwa kihci-kīsikohk nākatohkēw kita-ohci-pimātisicik. kiyawāw nawac ayiwāk kititēyihtākosināwāw ispīhci piyēsīsak.

“ēkāwiya kanawēyihtamāsok kīkway ē‑āhkwakihtēki ōta askīhk ita ātiht kamāmakosak ka‑mīcicik, ēkwa kita-misiyāpiskāki kotaka kita-misiwanātahki, ēkwa kīmōc kita-kimotamākawiyēk. māka mēskoc kanawēyihtamāsok miyo-kīkwaya kihci-kīsikohk itē ēkāya ka‑misiwanācihtācik kamāmakosak mīna ēkāya ka‑misiyāpiskāki ēkwa ita ēkāya kita-kimotamākawiyēk. ayisk itē kā‑ayāki kiwēyōtisiwiniwāwa ēkotē isi kika-nīkānēyihtamēk kitēhiwāhk.

“namōya awiyak kita-kī-atoskawēw ē‑nīsiyit otōkimāma. piko pēyak ta‑pakwātāt, ēkwa kotaka kita-sākihāt. namōya kika-kī-atoskawāwāw kisē-manitow ēkwa mīna sōniyāw.

kisē-manitow ōma kā‑miyonākohtāt maskosiya pakwāci-ayihk kā‑mēkwā-ohpikihki anohc ēkwa wāpahki kā‑macostēwēpinamohk, nawac cī kita-kēhcināhow ē‑ayiwinisiyēk? tāpwē ēsa apisīs tāpwēhtamowin kitayānāwāw.

kīspin kiwīcihāw ē‑kitimākisit awiyak namōya katāc kita-kiskēyihtahk kiwītapimākan. ēkosi isi namōya kotak awiyak kita-kiskēyihtam ēkwa ohtāwīmāw kahkiyaw kīkway kā‑wāpahtahk kika-tipahamākowāw.

“ēkāya tōtamok miyo-isīhcikēwina kita-nōkwahki ayisiyinīnāhk; kīspin ēkosi tōtamēko, kohtāwīwāw kihci-kīsikohk kā‑ayāt namwāc kika-tipahamākowāw kimiyo-tōtamowiniwāwa ohci.

“ēkwa ispīhk īwanisīhisoyani, ēkāya mihtātamowinisinākosik tāpiskōc aniki kā‑tōtamohkāsocik ē‑māyinākohisocik ēkosi kita-nōkohtācik ē‑īwanisīhisocik. tāpwē kititināwāw, mitoni āsay tipahamawāwāwak. māka īwanisīhisoyēko, sīkahok mīna kāsīhkwēk. ēkosi namōya awiyak kita-kiskēyihtam ē‑īwanisīhisoyēk māka kohtāwīwāw piko ēkāya kā‑wāpamiht. ēkwa kohtāwīwāw ē‑wāpamikoyēk tānisi ē‑tōtamēk ākawāyihk, kika-tipahamākowāw.