ខគម្ពីរពេញនិយមពី ROM 6

ចែក​រំលែក

Lune a sinobu ram galegaleasi ram lai na gaitawe nge hi a galegaleasi mo betea, a gaitawe hi a mateana. Nge i God a nona hogogi lawe gide nge hi a mwasoana tavagituei lui Jisas Kraes a noda Huqe.

A galegaleasi vin he huqegi goro gimiu tea a vevenagi igimiu nehe toga tea lo vavai Leohora, nge nem toga lo vavai dom tabetabe lawua noi God.

Lune dam lai na garuhigogona, mo tulegi bubugi gide meie, dam bulu gatagale meie lo nona mateana. Siu mwerehi, i Kraes u maraga taligu lo huireana noi Mama, igide vage dain toga lo mwasoana garaqa.

Nein mese siregi na tarabesimiu ve na vai na galegaleasi, mwere lo gineu ingere hi rau esi. Nge igimiu neu siregi gimiu lawe God mwere na sinobu ingere hi rau mate ko siserigi ngaha ingere ram mwaso. Nen siregi na tarabesimiu lawe God ve na vai na gineu rau garea.

Ko igide dau ilo huri ve a mwasoada tatuei hi u mate bubugi mei Kraes lo, nona gai saroutu huri na noda galegaleasi vin he huire te lai ve na huqegi goro gide, siu igide dain he toga vau tea lo galegaleasi.

Siu lo matahala mwerehi, igimiu nein lehi gimiu taligu sibomiu ve igimiu neu mate lo huireanai galegaleasi, ko nem mwaso mei God lui Jisas Kraes.

?Siu igide dain vei wuraha? Wa dain vano tuturedu lo galegaleasi huri God vin bete na nona hogogi lawe gide? !Hatie vohogi! Igide dau mate lo galegaleasi tatuei, ?Siu igide dain vano tuturedu lo noda galegaleasi mwerehilogo?

Igimiu neu ilo vurugegi huri neu siserigi gimiu sibomiu mwere na tangaloi tabana vurogi ve na ronghuri hine tea, siu a hogo igimiu a tangaloi tabana vurogi lawe na tangaloi hi. Igimiu nein huri na galegaleasi, ngehi a mwasigi a mateana talo Vui sige a ronghuri, a mwasigi nge hi a tangaloi ram vovohoi lo nagoi God.

Tuei igimiu neu tabana vurogi lawe na galegaleasi, a galegaleasi u huqegi goro gimiu. Nge a veve garea lawe God, huri neu tabe vurugegi na Leohuhui huri na gineu ingere hi u betera lawe gimiu. Siu igimiu neu meriqe dena galegaleasi, ko siserigi ngaha igimiu a tangaloi tabanagi lawe na gineu garea.