ខគម្ពីរពេញនិយមពី John 19

ចែក​រំលែក

Iskutak Jesus kaa minihkwet ekw kaa itwet, “Shaash chiishipayuu.” Ekw kaa chistaawaniskweyit kaa ati puunipimaatisiit.

Paatimaa maak Jesus chii chischeyihtam shaash misiwe chekwaayuu e chii chiishipayiniyich ekw kaa itwet, “Niwii minihkwen.” Eukw uyuu kaa itwet chechii tipipayiyich taan kaa ishi niikaan wiihtaakuniyich anite Chishemanituu utayimuwinihch che itwekupane.

Jesus chii waapameu aniyuu ukaawii kaye aniyuu uchischinuhamuwaakan kaa saachihaat e niipuyich anit ekw kaa itaat aniyuu ukaawii, “Eukuu chikus.” Ekw kaa itaat aniyuu uchischinuhamuwaakan kaa saachihaat, “Eukuu chikaawii.” An maak chischinuhamuwaakan ekut kaa uhchi chihchi kanuweyimaat Jesus ukaawiyuu anite wiichihch.

Jesus maak shaash chii puunipimaatisiyuu wiya iskutak wetihtaatwaau anichii shimaakanishach namui maak uhchi naatwaakaatehweuch. Peyakw maak an shimaakanish chii tahkameu aniyuu Jesus anite uhpimeyuu. Tiiwehch kaa uhchi kuikwaasikuuniyich umihkuyuu kaye nipiiyuu anit uhchi.

Chii ispayuu uu chechii tipipayihch taan kaa ishi niikaan wiihtaakanuukupane Chishemanituu utayimuwinihch che ispayikupane, itashteu, Namui waachipeyakw uhchi naatwaahiikanuuyuu wiya uskanh. Kaye itashteu Chishemanituu utayimuwinihch, Chika kanawaapameuch aniyuu kaa tahkamaatwaau.

Kaa chistuhtahaatwaau aniyuu Jesus e pimuhtahaayich utaashiteyaahtikumiyuu anite kaa ituhtahaatwaau “Chiipaistikwaan kaa ihtakuhch” kaa ishinihkaateyich. Uu maak “Chiipaistikwaan kaa takuhch” kaa ishinihkaatech, Hebrew e ishi ayiminaanuuhch “Golgotha” iinaanuu.

Anichii maak shimaakanishach chii ushihtaauch uchimaau astutiniyuu kaa kaasutewaayikwaau niipisiyaahtikw e aapachihtaatwaau. Kaa pushchishkamutiyaatwaau Jesus aniyuu astutiniyuu. Kaye e chinwekaniyich akuhpiyuu e mihkwekaniyich chii pushchishkamutiyeuch.