ខគម្ពីរពេញនិយមពី ꠔꠃꠞꠣꠔ ১: ꠙꠄꠖꠣ ꠘꠣꠝꠣ 15

ចែក​រំលែក

ꠀꠛ꠆ꠞꠣꠝꠦ ꠝꠣꠛꠥꠖꠞ ꠅꠃ ꠅꠀꠖꠣꠞꠦ ꠄꠇꠤꠘ ꠇꠞꠟꠣ, ꠀꠞ ꠝꠣꠛꠥꠖꠦ ꠢꠃ ꠄꠇꠤꠘꠞꠦ ꠖꠤꠘꠖꠣꠞꠤ ꠇꠣꠝ ꠢꠤꠡꠣꠛꠦ ꠇꠛꠥꠟ ꠇꠞꠟꠣ।

ꠅꠔꠣ ꠊꠐꠘꠣ ꠅꠇꠟꠞ ꠛꠣꠖꠦ ꠅꠢꠤꠞ ꠝꠣꠎꠦ ꠝꠣꠛꠥꠖꠞ ꠇꠣꠟꠣꠝ ꠀꠛ꠆ꠞꠣꠝꠞ ꠉꠦꠍꠦ ꠘꠣꠎꠤꠟ ꠅꠁꠟ। ꠔꠣꠁꠘ ꠇꠁꠟꠣ, “ꠅ ꠀꠛ꠆ꠞꠣꠝ, ꠒꠞꠣꠁꠅ ꠘꠣ, ꠀꠝꠤꠃ ꠔꠥꠝꠣꠞ ꠢꠦꠚꠣꠎꠔꠇꠣꠞꠤ, ꠔꠥꠝꠣꠞ ꠛꠃꠔ ꠛꠠ ꠙꠥꠞꠥꠡ꠆ꠇꠣꠞ।”

ꠝꠣꠛꠥꠖꠦ ꠀꠛ꠆ꠞꠣꠝꠞꠦ ꠛꠣꠞꠦ ꠀꠘꠤꠀ ꠇꠁꠟꠣ, “ꠀꠍꠝꠣꠘꠞ ꠛꠣꠄ ꠌꠣꠅ, ꠀꠞ ꠙꠣꠞꠟꠦ ꠅꠃ ꠔꠦꠞꠣ ꠅꠇꠟ ꠉꠘꠤꠀ ꠚꠥꠠꠣꠅ, ꠔꠥꠝꠣꠞ ꠛꠋꠡꠞ ꠅꠀꠞꠤꠡ ꠅꠃꠟꠣ ꠛꠦꠢꠤꠡꠣꠛ ꠅꠁꠛ।”

ꠅꠃ ꠝꠣꠛꠥꠖꠦ ꠀꠛ꠆ꠞꠣꠝꠞꠦ ꠇꠁꠟꠣ, “ꠘꠣ, ꠢꠦ ꠘꠣꠄ, ꠔꠥꠝꠣꠞ ꠘꠤꠎꠞ ꠛꠃꠞ ꠀꠅꠟꠣꠖꠃ ꠔꠥꠝꠣꠞ ꠅꠀꠞꠤꠡ ꠅꠁꠛ।”

ꠅꠃ ꠝꠣꠛꠥꠖꠦ ꠔꠣꠘꠞꠦ ꠇꠁꠟꠣ, “ꠔꠥꠝꠤ ꠘꠤꠌ꠆ꠌꠄ ꠅꠁꠀ ꠎꠣꠘꠤꠅ, ꠔꠥꠝꠣꠞ ꠅꠀꠞꠤꠡ ꠅꠇꠟꠦ ꠅꠃꠟꠣ ꠖꠦꠡꠅ ꠉꠤꠀ ꠞꠁꠛꠣ ꠎꠦꠇꠐꠣ ꠔꠣꠞꠣꠞ ꠘꠤꠎꠞ ꠘꠣꠄ। ꠢꠘꠅ ꠔꠣꠞꠣ ꠈꠥꠛ ꠎꠥꠟꠥꠝ-ꠝꠍꠤꠛꠔꠞ ꠝꠣꠎꠦ ꠞꠁꠀ ꠌꠣꠁꠞ-ꠡ ꠛꠞꠍ ꠙꠞ꠆ꠎꠘ꠆ꠔ ꠉꠥꠟꠣꠝꠤ ꠇꠞꠛꠣ।

ꠀꠛ꠆ꠞꠣꠝꠦ ꠇꠁꠟꠣ, “ꠅ ꠝꠣꠛꠥꠖ ꠝꠃꠟꠣ, ꠀꠝꠣꠞꠦ ꠇꠤꠔꠣ ꠖꠤꠔꠣꠄ? ꠀꠝꠤ ꠔ ꠘꠤꠀꠅꠟꠣꠖꠤ। ꠀꠝꠤ ꠝꠞꠣꠞ ꠛꠣꠖꠦ ꠖꠣꠝꠦꠡ꠆ꠇꠞ ꠄꠟꠤꠄꠎꠦꠞ ꠀꠝꠣꠞ ꠡꠝ꠆ꠙꠔ꠆ꠔꠤꠞ ꠝꠣꠟꠤꠇ ꠅꠁꠛ।

ꠝꠣꠛꠥꠖꠦ ꠢꠃ ꠖꠤꠘꠃ ꠀꠛ꠆ꠞꠣꠝꠞ ꠟꠉꠦ ꠅꠃꠟꠣ ꠅꠀꠖꠣ ꠇꠞꠟꠣ, “ꠝꠤꠡꠞꠞ ꠉꠣꠋ ꠕꠘꠦ ꠛꠠ ꠉꠣꠋ ꠚꠥꠞꠣꠔ ꠙꠞ꠆ꠎꠘ꠆ꠔ ꠀꠡ꠆ꠔꠣ ꠖꠦꠡ ꠀꠝꠤ ꠔꠥꠝꠣꠞ ꠅꠀꠞꠤꠡꠞꠦ ꠖꠤꠟꠣꠝ।

ꠔꠥꠝꠣꠞ ꠌꠣꠁꠞ ꠍꠤꠠꠤ ꠛꠣꠖꠦ ꠄꠞꠣ ꠅꠘꠅ ꠚꠤꠞꠤꠀ ꠀꠁꠛꠣ, ꠇꠣꠞꠘ ꠀꠝꠥꠞꠤ ꠅꠇꠟꠞ ꠉꠥꠘꠣ ꠅꠈꠘꠅ ꠙꠥꠞꠣ ꠅꠁꠍꠦ ꠘꠣ।”