ខគម្ពីរពេញនិយមពី Kod 37

ចែក​រំលែក

Loon dɔ, Yusufu ye siko dɔ kɛ. A y'o ɲafɔ a kɔrɔw ye minkɛ, dɔ faral'a kɔniyako kan u fɛ.

Yusufu koo tun ka di Yakuba ye ka tɛmɛ deen tɔ nunu kan, bari ale lo tun kɛr'a ka cɛkɔrɔbaya waati deen ye, a tun ye foroca ɲanaman dɔ kalan Yusufu ye.

A kɔrɔw nan'a ye k'u dɔgɔcɛ koo le ka di u facɛ ye ka tɛmɛ olu kan, u y'a kɔniya, fɔɔ u tun te se ka kumaɲuman fɔ a ye tugu.

Yusufu ye siko dɔ wɛrɛ kɛ k'o fɔ a kɔrɔw ye tugu ko: «Ne ye siko dɔ kɛ tugu. Ne ye tile, ni kalo ani lolo tan ni kelen ye, u bɛɛ ye u kunbiri gwan ne ɲakɔrɔ.»

A kɔrɔw y'a kɔniya, nga a facɛ ye o koo bɛɛ to a hakili la.

A y'a fɔ u ye ko: «Ne ye siko min kɛ, aw y'o mɛn dɛ. K'an to foro kɔnɔ n'an be suman tigɛra, k'a siri, ne ye min siri, ale wilila ka lɔ a juu kan, aw bɛɛ taw lɔra k'a lamini k'u kuun biri n ta kɔrɔ.»

An k'a faga k'a fili kɔlɔnkolon nunu dɔ kɔnɔ, o kɔ an be ta'a fɔ soo ko waraba dɔ y'a minɛ k'a ɲimi, o la, an ben'a ye a ka siko nunu bena kɛ cogo min na.»

U ye Yusufu bɔ kolonkolon nin kɔnɔ, k'a feere warigwɛ kuru mugan na Isimayɛlidenw ma. Madiyan jagokɛlaw tun lo, olu y'a minɛ ka taga n'a ye Ezipiti.

U y'a daminɛ k'a fɔ ɲɔgɔn ye ko: «Sikotigi nin natɔ filɛ.

U y'a natɔ ye yɔrɔjan dɔrɔn, yanni a ka se u fɛ, u bɛnn'a la ko u ben'a faga.

An kan'a joli bɔn, an tigɛ kana l'a kan, an k'a minɛ k'a fili kɔlɔnkolon nin kɔnɔ yan kongo la.» Bari a tun b'a fɛ ka segi ka n'a bɔ ka taga n'a ye u faa fɛ, a tun b'a fɛ k'a kisi.