ខគម្ពីរពេញនិយមពី Kod 15

ចែក​រំលែក

Abramu lara Masaba la, o la, a y'a jati mɔgɔtilennin ye.

O koow tɛmɛnin kɔ, Masaba y'a yɛrɛ yira Abramu la k'a fɔ a ye ko: «Abramu, i kana siran. Ne y'i tangabaga ye i n'a fɔ kɛlɛden ka nigɛkunbɛnnan, i ka sara bena caya kosɔbɛ.»

A bɔra ni Abramu ye kɛnɛma k'a fɔ a ye ko: «Sankolo filɛ, lolow jati, i be se k'u jati wa? I kɔmɔgɔw bena caya ten.»

O tuma na, Masaba y'a fɔ ko: «Ale tena i cɛɛn ta. I yɛrɛ woloden le bena i cɛɛn ta.»

Masaba y'a fɔ a ye ko: «I k'a lɔn tigitigi ko i kɔmɔgɔw bena kɛ lonanw ye jamana wɛrɛ la. U bena kɛ jɔɔnw ye, u bena tɔɔrɔ saan kɛmɛ naani kɔnɔ.

Abramu ko: «Matigi, Masaba, nafa t'a la ka fɛɛn di ne ma tugu. Ne bena taga ni deen te n fɛ, ne cɛɛn tabaga bena kɛ Eliyezɛri ye ka bɔ Damasi.

O loon na, Masaba ye layidu ta Abramu ye ko: «Ne be jamana nin d'i kɔmɔgɔw ma, k'a ta Ezipiti baa ma, fɔɔ ka taga se baa belebele ma, min ye Efarati baa ye

I kɔmɔgɔw *filankuru naaninan le bena kɔsegi ka na yan, bari amoriw minw siginin be jamana nin kɔnɔ, olu ka juguya ma se a daan ma fɔlɔ. N'a ser'a daan ma tuma min na, ne bena u gwɛn.»