ខគម្ពីរពេញនិយមពី Uchokholha 18

ចែក​រំលែក

Chani ihaawo ittu iriyoothe ihinooria wa Apwiiya Nlhuku? Kinouhokolhelhani mwaahino, ikatema ilhakelhiye, ikatema thoko yelha, Asara anowa ukhalha ni mwaana mwanlhopwana.”

Paahi etu Asara yahothia aneneru munrimani yiiraka, “Mii kihoolhuvalha ni owannyaka chiicho ahoolhuvalha. Chani, kinoolhuvanlhe thoko cho, kinowooria uteelhiya ni waayara ashaana?”

Ukhalhawaya Aburahimu phi nowa ukhalha athumwanaya attu onkhaye ni attu onkhaye o velhaponi anowa upatta ibarakha wo iphiro aya!

Paahi Aburahimu nkayaatameria Apwiiya Nlhuku, nkayaakoha, “Chani wo ikekhiaye nnowaalhakalhiha attu oombone vamoka ni attu anopanga cho uhilhoka? Veekinaka ahaawo attu oombone makhumi nthanu vawani vawo. Chani nnoolhakalhiha iwani yonkhaye wo uhihiya wo nlhatu wo attu anopanga moombone makhumi nthanu arii mwommo ayo?

Apwiiya Nlhuku nkayeera, “Kaaphwanyaka attu anopanga moombone makhumi nthanu, Usodoma uwo, paahi kinoohiya iwani yonkhaye wo uhilhakalhiha wo nlhatu waya.”