ខគម្ពីរពេញនិយមពី Uttawa 8

ចែក​រំលែក

Akhwiri o Umisri, wo ukhwiri aya uyo, nkayaalhikacha uthathusha ntukurukhu nikhalhe ashimwettu o uhuviha, nansho khayorilhe. Ashimwettu o uhuviha ayo nkaawanelha mwaattuni ni mwa ashinama. Akhwiri alhe nkayeerelha Nafarao, “Ulha phi ntheko wo moono wa Nlhuku.” Nansho Nafarao nkaathepiha itiyamaru, mena khayewelhenlhe ashinna Musa ni Naharuni. Nkayaakhalha thoko Apwiiya Nlhuku chenre aya wo uhimia.

Yamalheke Apwiiya Nlhuku nkayeerelha ashinna Musa, “Nrwee u Nafarao mwaahimerie Apwiiya Nlhuku aneera wiira, ‘Mwaahiyacheke attu aka athame wiira arwee akithimiche.

Nansho Nafarao yooneke wiira amarapi ayo ahokhwacha, ahothepa itiyamaru tho, ni wala khayewelhenlhe ashinna Musa ni Naharuni thoko Apwiiya Nlhuku chenre aya wo uhimia.

Nansho mwakhotaka waahiyerera wiira athamache, paahi, kinowaawiha amarapi o utwarusha ilhapo inyu yonkhaye.

Yamalheke, Apwiiya Nlhuku nkayeerelha ashinna Musa, “Mwaahimerieke Naharuni ookolhe ikopo aya akhite vantukurukhuni, ninno ninoothathuwa ukhalha ashimwettu o uhuviha ilhapo yonkhaye yo Umisri.”

Apwiiya Nlhuku nkayaapanga thoko chaahimmie aya. Iphepelhe chinchi chinene nkachaachara unupani u Nafarao, inupa cho anamitheko aya olhupalhe ni ilhapo yonkhaye yo Umisri. Ilhapo yonkhaye yo Umisri nkayaatanganyiya ni chechiyo iphepelhe chiyo.