ខគម្ពីរពេញនិយមពី Uttawa 2

ចែក​រំលែក

Nkeewa ichuku chaya, nkoopuwelha malhehano aapangilhe awe ni Aburahimu ni Naisaka ni Nayakhobo. Nlhuku ahaaweha Aisraeli chineera aya wo uttwaruwa, nkoonelha ikiriri.

Chavireke iyaakha chinchi amwene o Umisri ahokhwa, achishaana o Aisraeli nkayonlhacha chinene athananaka wiira yoopolhiye. Nlhuku nkeewa ikutto aya.

Mwaana vaahihiye awe nipelhe, ahonhokolhosha wa abiti Farao, ni ayo nkayankusha ni ukhalha mwaamwanaya. Nkayeera, “Ukhalhawaya kinkuminhe mmaashini, paahi kinomwiihana nchina nawe Musa.”

Abiti Farao nkayaamwiirelha nthiyana uyo, “Munkushe mwaana ulha, mwanlhelhe, ni mii kinoulhivani.” Nthiyana uyo nkankusha mwaana ulhe, unlhelhani.

Paahi abiti Farao ahowa urapani umwoolhokoni, uno anamitheko aya ashithiyana yaalhitelhelhaka vachereshere mwoolhoko uyo. Gafula, abiti Farao ayo nkayoona ikikapu ilhe mmahushini vaavithiye aya valhe, nkayanruma namitheko aya akushe.

Nihuku nimoka ashinna Musa vaari aya anonnuwilhe rata, ahorwaa waashikuriani ashilhoko aya, Aebraniya, nkayoona uhuva waya. Nkayaamwoona Mmisri amwiivaka Muebraniya, nlhoko aya mmoka. Paahi ashinna Musa ahoweha uno ni uno. Yooneke wiira khaawo ntu noona, ahomwaata ni umwiiva Mmisri ulhe, nkammuhelha munhaavani.